Bersi bloggar

2003-04-09T19:21:00.000Z

Bowling For Columbine

Eftir að ég skrifaði á Deigluna pistil (Heimildarmyndin sem áróðurstæki) um heimildarmynd Michaels Moores, Bowling For Columbine, fékk ég tölvupóst þar sem ég var krafinn sönnunargagna fyrir ásökunum mínum í garð Moores. Slík upptalning á heimildum og gögnum á því miður ekki heima í pistli eins og þeim sem birtast á vefritunum, einfaldlega vegna þess hve þröngur stakkur manni er skorinn hvað varðar lengd á pistlunum. Hér eru hins vegar hlekkir á ýmsar heimasíður sem ég tel að ættu að sýna fram á það að ekki er um tilbúning af minni hálfu.

Bestu síðunni um Bowling For Columbine er viðhaldið af David Hardy, bandarískum lögfræðingi. Þar tekur hann fyrir helstu punkta myndarinnar þar sem höfundurinn hefur farið fremur frjálslega með staðreyndir, svo ekki sé fastar kveðið að orði. Þarna má m.a. finna ræðuna sem Heston hélt í Denver og samanburð á henni og klippingum Moores.

Önnur síða Hardys, sem tekur á atriðum í myndinni sem hann telur aðfinnsluverð, en ekki eins alvarleg og þau sem talin eru upp á aðalsíðunni.

Heimasíða geimferðadeildar Lockheed Martin, sem rekur m.a. verksmiðjuna við Deer Creek Canyon Road í Littleton, Colorado. Rennið í gegnum heimasíðuna og skoðið hvers konar eldflaugar þeir framleiða. Þær eru allar, eins og nafnið á deildinni gefur til kynna, framleiddar til að flytja annaðhvort menn, gervitungl eða annað slíkt út í geim.

Önnur heimasíða. Þessi maður segist hafa hringt í verksmiðjuna í Littleton til að ganga úr skugga um að Moore hafi haft rétt fyrir sér varðandi Lockheed Martin.

Sumir hafa haldið því fram að ég sé óvenjuviðkvæmur þegar kemur að meðferð Moores á Charlton Heston í myndinni. Að í viðtalinu við hann geri Moore enga tilraun til að láta Heston líta út fyrir að vera rasista. Þetta er rangt, enda ber Moore þessa lygi sjálfur út eins og í viðtali sem Katie Couric á NBC sjónvarpsstöðinni (þarf að fletta töluvert neðar á síðuna) tók við hann. Þegar horft er til þess að hann klippti ræðu Hestons í Denver sundur og saman til að láta hann líta verr út og til þess að hann hafði áður reynt að tengja NRA við KKK og önnur rasistasamtök hallast ég frekar að því að Moore hafi klippt svör Hestons til að láta hann koma út sem rasista, en að Heston hafi sjálfur haft slíkar skoðanir frammi í viðtalinu.

Grein úr Forbes tímaritinu um Bowling For Columbine.

Grein úr tímaritinu The American Prospect um myndina þar sem Moore er ekki gagnrýndur fyrir staðreyndavillur heldur rangar áherslur í umfjöllun sinni.

Grein af spinsanity.org þar sem Bowling For Columbine er gagnrýnd.

Þótt hér sé aðeins farið út fyrir efnið er allt í lagi að benda á þessa grein af spinsanity.org, þar sem farið er yfir staðreyndafúsk og önnur miður skemmtileg vinnubrögð af hálfu Moores í bókinni Stupid White Men.

Að lokum verð ég að segja að það eru engin rök í þessari umræðu að benda á að Bowling For Columbine hafi fengið hin og þessi verðlaun. Það eina sem það segir okkur er að hópur fólks hafi ákveðið að veita Moore styttu, en er ekki bein sönnun fyrir því að allt sem í myndinni er sé satt og rétt.

2003-03-20T21:11:00.000Z

Hlutleysi Íslands

Ég hef heyrt andstæðinga stríðsins við Írak og þá sem eru andsnúnir afstöðu íslenskra stjórnvalda til þessa stríðs tala um að ríkisstjórnin hafi gerst sek um landráð, og hafa þessir sömu aðilar vísað til ákvæða í stjórnarskrá og almennum hegningarlögum þessum fullyrðingum til stuðnings. Byggist þessi afstaða á þeim skilningi þeirra að íslensk stjórnvöld geti með engu móti vikið frá fullkomnu hlutleysi Íslands þegar kemur að vopnuðum átökum.

Hvergi í stjórnarskránni er kveðið á um að Ísland sé hlutlaust ríki. Ísland er ekki hlutlaust ríki og hefur ekki verið hlutlaust frá árinu 1949 þegar við gengum í varnarbandalagið NATO, sem er hernaðarbandalag. Ísland hefur áður lýst yfir stuðningi við hernaðaraðgerðir í útlöndum, síðast þegar NATO réðst gegn Serbíu árið 1999 og þá viðraði enginn maður þá fyrrtu hugmynd að með þeim stuðningi hefðu íslensk stjórnvöld gerst sek um landráð.

Í almennum hegningarlögum, nánar tiltekið í kaflanum um landráð, má finna nokkur ákvæði sem þetta fólk hefur veifað máli sínu til stuðnings.

92. gr. Hver, sem af ásetningi eða gáleysi kunngerir, lýsir eða skýrir óviðkomandi mönnum frá leynilegum hervarnarráðstöfunum, er íslenska ríkið hefur gert, skal sæta fangelsi allt að 10 árum, eða sektum, ef brot er lítilræði eitt.
Sömu refsingu skal hver sá sæta, sem af ásetningi eða gáleysi stofnar hlutleysisstöðu íslenska ríkisins í hættu, aðstoðar erlent ríki við skerðingu á hlutleysi þess, eða brýtur bann, sem ríkið hefur sett til verndar hlutleysi sínu.

Ef horft er á þessa grein án samhengis við aðrar greinar hegningarlaganna mætti draga þá ályktun að íslenska ríkið sé fullkomlega hlutlaust og hver sá sem stofni þessu hlutleysi í hættu sé þar með landráðamaður. Aðrar greinar sama kafla gera hins vegar ráð fyrir því að ísland geti átt í vopnuðum átökum við önnur ríki og geti átt bandamenn í slíkum átökum (greinar 87., 89. og 90). Í raun er 92. gr. hegningarlaga eina ákvæðið - að því er ég kemst næst - í íslenskum lögum sem tekur á hlutleysi Íslands. Hvergi er að finna lagaákvæði sem segir "Ísland er og á að vera hlutlaust". Þegar það er skoðað í ljósi þess að í hegningarlögunum er gert ráð fyrir því að Ísland geti átt í vopnuðum átökum við önnur ríki og þá staðreynd að við erum í hernaðarbandalagi við önnur ríki er ekki hægt að draga þá ályktun að með stuðningsyfirlýsingunni hafi íslensk stjórnvöld gerst sek um landráð.

Önnur lagagrein sem vísað hefur verið til í landráðamálflutningnum fjallar m.a. um smánun á fánum erlendra ríkja:

95. gr. [Hver, sem opinberlega smánar erlenda þjóð eða erlent ríki, æðsta ráðamann, þjóðhöfðingja þess, fána þess eða annað viðurkennt þjóðarmerki, fána Sameinuðu þjóðanna eða fána Evrópuráðs, skal sæta sektum [eða fangelsi allt að 2 árum. Nú eru sakir miklar og varðar brot þá fangelsi allt að 6 árum.]
[Sömu refsingu skal hver sá sæta, sem smánar opinberlega eða hefur annars í frammi skammaryrði, aðrar móðganir í orðum eða athöfnum, eða ærumeiðandi aðdróttanir við aðra starfsmenn erlends ríkis, sem staddir eru hér á landi.]
[Sömu refsingu skal hver sá sæta sem ógnar eða beitir valdi gagnvart sendierindreka erlends ríkis hér á landi eða ræðst inn á eða veldur skemmdum á sendiráðssvæði eða hótar slíku.]

Hefur þetta fólk haldið því fram að með því að styðja innrásina í Írak hafi íslensk stjórnvöld smánað með opinberlegum hætti fána Sameinuðu þjóðanna. Þessi pæling er svo langt úti í móa að það er nánast hlægilegt að svara henni, en þar sem ég er gamansamur maður ætla ég samt að gera það. Nú er það svo að það er almenn regla í refsirétti að öll refsiákvæði eigi að skýra þröngt - að ekki eigi aðrar athafnir við ákvæðin nema þau eigi nákvæmlega við lýsinguna í ákvæðinu. Með öðrum orðum má ekki refsa fyrir brot gegn fyrstu málsgreininni nema viðkomandi hafi tekið fána SÞ, kastað vatni á hann, brennt hann eða annað slíkt. Sömu rök eiga við um aðrar málsgreinar ákvæðisins.

Þá verð ég að lýsa yfir vonbrigðum mínum með framkomu íslenskra "friðarsinna" í þessari viku. Einn slíkur réðst með miklu offorsi gegn tveimur strákgreyjum sem báru skilti til stuðnings innrásar í Írak (að því er mér skilst "upp á grínið"), lamdi þá báða í höfuðið, annan með barefli, og lét höggin meir að segja dynja á hundi nokkrum sem ekkert hafði til sakar unnið. Þá þykir mér það miður að mótmælendurnir í dag hafi ekki séð sér fært að láta skoðanir sínar í ljósi án þess að fremja skemmdarverk á einu elsta húsi borgarinnar. Mér þykir þetta fólk sýna skoðunum annarra og stofnunum lýðræðisins afar litla virðingu, þrátt fyrir fullyrðingar um annað.

2003-03-19T20:52:00.000Z

Strategic Forecasting Alert

Er áskrifandi að reglulegu fréttabréfi Stratfor, þar sem fjallað er um allskyns alþjóðleg málefni. Fékk þetta í póstkassan rétt áðan.

"Stratfor War Alert

At 1808 GMT (1:08 p.m. EST, 9:08 p.m. Baghdad) B-52 bombers were reported taking off from RAF Fairford in the United Kingdom. Flying time to Iraq is about six hours. Earlier today, they were reportedly loaded with cruise missiles. The British press has also reported that skirmishing has commenced between Iraqi troops and U.S. and British special operations forces near Basra. Coalition aircraft also have attacked 10 Iraqi artillery pieces in the southern no-fly zone, and Israelis have been ordered to open and fit their gas masks, keeping them nearby at all times.

War has not yet commenced, but this is a war alert. More information will be forthcoming as it is available."

Lítur út fyrir að stríðið skelli á í nótt, um leið og frestur Saddams til að hverfa á braut rennur út.

2003-03-18T09:41:00.000Z

Ævar gerir allt vitlaust

Ævar vinur er farinn að blogga. Ævar er einhver pólitískasti maður sem ég þekki. Hans útgáfa af frjálshyggju er svo öfgakennd að hann lætur stuttbuxnaherdeildina líta út eins og afdankaða kommúnista. Hann aðhyllist ekki kenningar um þrískiptingu ríkisvaldsins, heldur telur hann að dómsvaldið sé best geymt í höndum einkaaðila. Hann vill fækka þingmönnum í tíu og ráðherrum í einn. Hann vill leggja embætti forseta af og láta þennan eina ráðherra jafnframt gegna embætti þjóðhöfðingja. Hann er athyglisverður gutti og skrifar skemmtilega pósta á bloggið sitt.

2003-03-18T09:27:00.000Z

Músahreinsun og heimasíður fyrir html fatlað fólk

Ég fæ reglulega fréttabréf frá Bravenet - Webmaster Tips and Tricks - sem er oftast fullt af gagnlitlum upplýsingum, en öðru hverju leynast þar hlutir sem geta komið sér vel að vita. Í nýjasta fréttabréfinu er farið yfir það hvernig hreinsa eigi tölvumýs sem farnar eru að sýna merki um parkinsonveiki. Ég geri nú ráð fyrir því að flestir þeir sem rekast hér inn viti þetta fyrir, en ég ætla samt að láta "tipsið" fylgja með.

"If you have noticed that your mouse is acting a bit strange lately, try cleaning it, before you throw it away for a new one.

There are several methods and tools available to clean the basic mouse, but we find that the easiest is always the best. You will need the cap from a disposable pen. You can employ pretty much anything small and plastic with a small edge with do.

The first step in the cleaning process is to get the mouse ball out. Turn the mouse over and you will see a small plastic ring that holds the mouse ball in place. This ring can be turned to be removed and the mouse ball can then be removed from the mouse itself. Once the ball is out, clean it gently with a cloth that is slightly damp. There is no need to go to the trouble of using soap and water.

The next thing that needs attention is inside the mouse itself. Look into the hole that the mouse ball was sitting in. You will notice three rollers around the edge of the hole. All three of these rollers will need to be cleaned. Again, this process is rather simple, requiring only the use of the cap from a disposable pen. These rollers are made of plastic, which is the reason for recommending the plastic disposable pen cap to clean. There is less chance of your damaging the rollers during the process.

You will notice that each of the rollers appears to have fine threads of dust and dirt wrapped around them. Take the cap and gently scrape all those little threads of dust and such off the rollers until none of it remains.

That is all that is required to clean your mouse. Now you can put the mouse ball back in, and secure the mouse ball holder ring to the bottom of the mouse. The pads on the bottom of the mouse can be cleaned at this point as well if necessary. Your mouse should now be acting like new again. "
---

Í fréttabréfinu var einnig auglýsing frá Basictemplates, sem selur tilbúin templeit fyrir heimasíður. Hægt er að gerast áskrifandi að síðunni, eða kaupa einstök templeit fyrir fimm dollara stykkið. Tilvalið fyrir þá sem ekki nenna að læra að html-a sjálfir.

2003-03-06T23:30:00.000Z

Óskarinn, bloggfokk og annað lítilvægara

Nú á ég bara eftir að sjá tvær af aðalmyndunum sem tilnefndar eru til Óskarsverðlauna - The Hours og Adaptation. Ég á reyndar eftir að sjá The Pianist, en þar sem ég hef lesið misgóða dóma um hana, og líkurnar á því að Roman "svaf hjá þrettán ára stelpu og flúði land" Polanski fái óskarsverðlaun eru frekar litlar eins og stendur, legg ég ekkert ofurkapp á að sjá hana. LOTR er snilld, Gangs of New York er góð, fyrir utan ástarsöguna og karakterinn hans DiCaprios (Leo sjálfur er fínn, karakterinn hans býður bara ekki upp á mikið), About Schmidt er mjög góð sömuleiðis. Ég á í rauninni erfitt með að gera upp við mig hvort Daniel Day-Lewis eða Jack Nicholson eigi að fá Óskarinn fyrir besta aðalhlutverkið. Þeir eru báðir afar góðir í hlutverkum sínum, en ef snúið væri upp á þumlana á mér og ég krafinn um ákvörðun myndi ég líklega færa Lewis styttuna.

Ég veit ekki hvað veldur, en í neðri glugganum á blogger uppfærslusíðunni sjást ekki lengur íslenskir stafir heldur bara kassar og önnur annarleg merki. Er einhver annar sem á við þetta vandamál að etja, eða hefur tölvan mín bara ákveðið að hefja persónulegt stríð gegn íslensku ritmáli? Það væri svo sem ekki í fyrsta skipti - fyrir nokkrum mánuðum týndi ég öllu sem ég hafði skrifað á tölvuna undanfarin þrjú ár eða svo. Verkefnin tvö sem ég vann með Margréti, allar lögfræðiglósurnar, smásögur (sem reyndar áttu þessi örlög alveg skilin - leirburður dauðans) - allt horfið! Sem betur fer gerðist þetta áður en ég hóf vinnu á ritgerðinni, það hefði verið frekar súrt að tapa henni núna.

2003-03-03T21:17:00.000Z

Fríið búið

Ég er búinn að vera alveg óendanlega latur við uppfærslur á þessari síðu, en ætla að reyna að bæta úr núna.

2003-02-19T14:29:00.000Z

Málsvörnin

Jæja, nú er svarpistillinn eftir mig kominn á netið, mun settlegar orðaður en í fyrstu útgáfunni, en mér eldri og reyndari menn sáu til þess að ég gerði engar gloríur í þetta skiptið (ekki það að ég geri nokkurn tímann gloríur - ég er algerlega gloríulaus maður og hef verið lengi).

Ég vona bara að málinu ljúki með þessu - það er orðið frekar súrt þegar annar hver pistill sem ég skrifa á Deigluna er svar við gagnrýni á pistilinn þar á undan. Heimurinn fær með því móti bara helminginn af þeirri visku sem ég get frá mér látið.

Greyið heimurinn.

2003-02-17T21:57:00.000Z

Tilvitnun dagsins

"Statistics are like a lamp-post to a drunken man - more for leaning on than illumination."

2003-02-17T16:35:00.000Z

Allir ósáttir

Það er nú svo komið að ég get ekki lengur birt pistil á Deiglunni án þess að einhver verði öskufúll og sendi svarbréf til ritstjórans. Á sunnudaginn birtist eftir mig pistill um saksókn stríðsglæpamanna fyrir belgískum dómstólum. Þar reyni ég að færa fyrir því rök að það sé e.t.v. ekki heppilegt fyrirkomulag að meintir stríðsglæpamenn séu sóttir til saka í ríkjum sem ekki eiga hefðbundna lögsögu í málum þeirra. Það sé best að réttað sé yfir þeim í ríkinu þar sem glæpirnir voru framdir, en ef það er ekki hægt þá eigi að gera það fyrir Alþjóða stríðsglæpadómstólnum.

Mikael Torfason er alfarið á móti því sem í pistlinum segir, þótt erfitt sé að gera sér grein fyrir því hvað það var í pistlinum sem reitti hann svo til reiði. Hann svarar punktum sem ekki er að finna í pistlinum og virðist alfarið hafa misskilið efni hans. Svar mitt ætti að koma fyrir augu almennings á miðvikudag. Næsti pistill verður svo um túlípanarækt í Hollandi á sautjándu öld, nema einhver lýsi því yfir hér á þessari síðu að það efni sé honum algerlega á móti skapi. Ef svo er reyni ég að klístra einhverju saman um muninn á brúnum og gráum íkornum í Bretlandi.

2003-02-13T22:26:00.000Z

Homeland security

Mörgum finnst Ashcroft, dómsmálaráðherra Bandaríkjanna fara offörum í tillögum hans að lagasetningu sem mun enn frekar takmarka athafnafrelsi borgaranna, en auka möguleika ríkisins til að grípa inn í líf almennings í Bandaríkjunum. Það má vel vera að eitthvað þurfi að herða á öryggismálum þar í landi, sérstaklega núna, en fyrr má nú vera offorsið. Ég er að leita að fleiri linkum um málið, en ætla að benda á blogg Ragnars bróður míns, sem lærir í Michigan í augnablikinu.

"Það er ekki gott að vera frá Miðausturlöndum. Það er ekki gott að vera að læra kjarnorkuverkfræði. Það er ekki gott að vera frá miðausturlöndum að læra kjarnorkuverkfræði."

2003-02-12T18:02:00.000Z

Sniðugir spammarar

Spammarar eru alltaf að finna nýjar aðferðir til að grípa athygli manns. Nú þýðir ekki lengur að lofa manni gulli og grænum skógum í "subject" línunni - hvað þá fróðlegum ljósmyndum af föngulegum stúlkum að leik með Sámi eða Sörla - það þarf að plata mann í að svara bréfinu eða fylgja tenglum í póstinum. Fyrir nokkru tóku spammarar að setja re: fyrir framan subject línuna til að láta líta út fyrir að verið væri að svara pósti sem maður sjálfur hefði sent, en þetta virkaði ekki lengi. Önnur trikk voru að láta nafn viðtakanda fylgja með í subject línunni, eða láta einfaldleikann ráða ríkjum með subject línum eins og "Hi", "Hello" o.s.frv.

Ég varð svolítið impóneraður þegar ég sá fyrsta spammpóstinn þar sem snillingarnir höfðu hreinlega sleppt því að skrifa nokkurn skapaðan hlut í subject línuna. Þetta var eitthvað nýtt og ég las fyrstu tvo-þrjá póstana sem voru þessu marki brenndir.

Besti spammpósturinn sem ég hef fengið í langan tíma er hins vegar þessi:

Dear Customer,

Some days ago you received promotion from www.casinoking.com
I apologize profusely for you receiving unwanted email.
The email you received was sent by a third party.
We determined the source and stopped them bothering you again,
as we do not tolerate spam in any way shape or form.

I am most sorry.

If you do happen to wish to play at the Casino I would be more than happy to hand you a bonus for your inconvenience.

Best regards,

Manager
www.casinoking.com

P.S. Please do not reply this email.

Þetta er tær snilld. Þeir biðjast afsökunar á "spammi", taka það fram að þeir vilja ekki fá svar (nokkuð sem allir spammarar vilja fá) og eru svo vinsamlegir að bjóða mér "bónus" fyrir óþægindin! Það ætti einhver að fá verðlaun fyrir þennan djöful.

2003-02-12T17:49:00.000Z

Framtíð NATO og fortíð Fischers

John Keegan skrifaði í gær pistil um ákvörðun Frakka, Þjóðverja og Belga um að beita neitunarvaldi sínu til að koma í veg fyrir að NATO aðstoðaði Tyrki við að efla varnir sínar kæmi til stríðs við Írak. Veltir hann því fyrir sér hvaða áhrif þetta muni geta haft á framtíð bandalagsins.

Á vefsíðu The Economist má finna grein um sama efni.
---

Fyrir nokkru síðan birtust myndir af Joscha Fischer, utanríkisráðherra Þýskalands, frá árinu 1973 þar sem hann sést berja á lögreglumanni, sem liggur í jörðinni, í mótmælagöngu í Frankfurt. Michael Kelly rifjar þetta upp, ásamt öðrum tengslum Fischers við öfgamenn af ýmsu tagi í pistli í The Washington Post.

2003-02-11T18:33:00.000Z

Noam Chomsky

Áhugaverður pistill um þær aðferðir sem fólk eins og Noam Chomsky, Marc Herold og Robert Fisk nota til að vinna skoðunum sínum fylgis. Meðan þeir saka Bandaríkjastjórn um að ljúga hraðar en vindurinn í hvert skipti sem ráðamenn í Washington opna munninn, virðast þeir sjálfir ekki bera nema mátulega virðingu fyrir sannleikanum - að minnsta kosti þegar sannleikurinn er þeim ekki þóknanlegur.

Auðvitað er það rétt að í ríkisstjórn Bandaríkjanna sitja ekki eintómir englar sem er fyrirmunað að skrökva, en að halda því fram - eins og Chomsky gerði - að tilgangurinn með stríðinu í Afganistan hafi verið að myrða milljónir Afgana er náttúrlega út í hött.

Glenn Reynolds veltir því svo fyrir sér hvernig Bandaríkin myndu hegða sér væru þau raunverulega hið illa heimsveldi sem margir andstæðingar þeirra virðast sannfærðir um að þau séu.

2003-02-11T17:41:00.000Z

Ójöfnuður í bloggi

Rakst á þessa stórmerkilegu grein um það sem höfundurinn kallar "Power law" dreifingu í mannlegum kerfum, sérstaklega bloggi. Er fjallað um af hverju handfylli af bloggsíðum fá miklu fleiri heimsóknir en venjulegar síður, og af hverju heimsókna- eða tenglatíðni fylgir ekki "bell-kúrvunni", heldur veldisvísis- "Power law" falli. Líklega er íslenski bloggheimurinn ekki nógu stór (ekki nógu margir bloggarar) til þess að niðurstöðurnar eigi algerlega við hann - ójöfnuðurinn eykst með fjölgun bloggsíðna - en ef höfundurinn hefur rétt fyrir sér þá er þetta framtíðin.

2003-02-08T14:12:00.000Z

Tjáningarfrelsi og mótmæli gegn stríði

Eugene Volokh, löfræðikennari við UCLA háskólann í Bandaríkjunum skrifar mjög góða grein um mikilvægi þess að andstæðingar stríðsins við Írak - rétt eins og andstæðingar ríkisstjórna almennt - fái að koma skoðunum sínum á framfæri. Er greinin svar við ritstjórnargrein í The New York Sun.

"...the First Amendment is a profoundly pragmatic protection. It is justified by the natural tendencies of governments and their allies — tendencies that are only exacerbated in wartime — to assume that they're right, and that their opponents are traitors.

Sometimes, though, the government is wrong — and the only way that we Americans can tell whether the government is wrong is by hearing the arguments on both sides, before the war and during the war. Free speech has persuaded the Sun's editorial board (as it has me) that war is right. But I'm confident in my position precisely because I know that the war's opponents were free to present their best arguments against it. Likewise, to be confident that the government will fight the war the right way, and will end it at the right time, the public needs the freedom to hear the government's critics as well as its supporters."

Til að raunveruleg rökræða um nauðsyn og réttmæti stríðsins geti átt sér stað er nauðsynlegt að allir sem skoðanir hafa á málinu fái að tjá sig.

2003-02-07T20:16:00.000Z

Röskva og rasisminn

Svo virðist sem Andri hafi verið heldur fljótur til þegar hann hrósaði Röskvufólki fyrir að hafa fjarlægt þessa ósmekklegu færslu af vef sínum. Færslan birtist í kjölfar fundar sem Vaka hélt um kynþáttahatur á Íslandi, og í henni eru háskólastúdentar fullvissaðir um að það sé "enginn vafi á því hvaða skoðun Röskva hefur á kynþáttahatri.

Tilgangurinn með slíkum skrifum er náttúrlega sá að gefa það í skyn að hið sama sé ekki hægt að segja um andstæðingana - Vöku og þriðja framboðið svokallaða. Röskvufólk mun væntanlega hafna því að sú hafi verið meiningin og slíkur skilningur á skrifunum sé algerlega á ábyrgð lesandans. Það væri hins vegar athyglisvert að sjá hver viðbrögð Röskvunnar yrðu ef Vaka legðist svo lágt að senda frá sér svona yfirlýsingar.

Þetta er svo sem ekki í fyrsta (og væntanlega ekki í síðasta) skipti sem Röskvan beitir slíkum lymskubrögðum í kosningabaráttu. Ár eftir ár hélt Röskvan því fram að eitt af þeim atriðum sem skildu að fylkingarnar tvær væri afstaða þeirra til skólagjalda. Röskvan væri alfarið á móti slíkum gjöldum, og þótt ekki væri sagt beinum orðum að Vaka væri áfram um að slík gjöld væru tekin upp mátti auðveldlega lesa það úr áróðrinum. Gilti engu að Vaka hefði síendurtekið lýst því yfir að hún væri einnig andvíg skólagjöldum - Röskvan reyndi staðfastlega að koma þeirri hugmynd að hjá stúdentum að kysu þeir Vöku væri þess ekki lengi að bíða að stúdentar þyrftu að greiða hundruð þúsunda króna í skólagjöld.

Svona brögð eru einföld og síst til eftirbreytni. Sem betur fer sér Vaka sóma sinn í því að sleppa slíkum klækjum í sinni baráttu, einbeita sér heldur að málefnunum og treysta á almenna skynsemi stúdenta til að meta hvoru framboðinu sé betur treystandi. Auðvitað væri lítið mál að heyja baráttuna með slagorðum eins og "X-Vaka - enginn af okkar frambjóðendum er á sakaskrá" eða "X-Vaka - gegn þrælahaldi", en slík barátta er, eins og dæmin sýna, sérsvið Röskvunnar.

Röskvufólki er auðvitað í sjálfsvald sett hvort það heldur áfram uppteknum hætti, en ég hef þá trú að stúdentar komi til með að sjá í gegnum slíkan málflutning og snúa baki við þeim sem hann hafa í frammi.

2003-02-07T18:11:00.000Z

Öxulveldi hins illa

Alveg hárrétt hjá þér Sverrir, vopnaglamrið í Kim Jong-Il er allt honum Bush að kenna. Sumir gætu haldið því fram að ástæðan væri sú að við stjórnvölinn í N-Kóreu sitja veruleikafirrtir brjálæðingar sem eru að nota tækifærið núna til að kúga út úr nágrönnum sínum, og Bandaríkjamönnum, enn meiri peninga en þeir hafa fengið hingað til, en við vitum betur - þetta er Bush að Kenna.

Við vitum líka að starf síðustu ríkisstjórnar Bandaríkjanna til að draga úr spennu, sem fólst í því að múta N-Kóreustjórn til að loka kjarnorkuverum og hætta tilraunum með kjarnorkuvopn er fyrir gíg unnið vegna ummæla Bush - burtséð frá því að N-Kóreumenn sviku samkomulagið við Clinton og héldu áfram kjarnorkuvígbúnaðinum - staðreynd sem illgjarnir menn gætu reynt að nota sem rök fyrir því að tilraunir Clintons hafi verið gagnslausar. Svik N-Kóreumanna eru augljóslega Bush að kenna líka.

Ég er jafnframt viss um að ef við leggjum á okkur svolítið erfiði þá getum við félagarnir sýnt fram á að "öxulveldaummælin" stuðluðu beinlínis að uppgangi nasista í Þýskalandi á fjórða áratug síðustu aldar, valdatöku Pinochets í Chile árið 1973 og útbreyðslu svartadauða í Evrópu á fjórtándu öld. Þú gengur í málið, er það ekki Sverrir?
---

Annars er ég búinn að bæta í blogglinkasafnið tveimur hlekkjum - síðum Ágústs Flygenrings og Einars Arnars Einarssonar. Ég er farinn að tékka á þessum síðum reglulega og því eðlilegt að þær fari í safnið.

2003-02-07T10:32:00.000Z

Schröder í góðum gír

Það voru ekki bara Bandaríkjamenn sem seldu Írökum vopn áður en hann réðst inn í Kúvæt. Samkvæmt þessari frétt kemur skýrsla Íraka um vopnaeign þeirra, sem þeir afhentu 7. desember sl., upp um þá staðreynd að stór hluti sýkla- og efnavopna Íraka var frá Þjóðverjum kominn, eða framleiddur með aðstoð þýskra sérfræðinga. Þá segir í fréttinni að Þjóðverjar viti vel um gereyðingarvopnaeign Íraka, en Schröder vilji ekki - af ókunnum ástæðum - gera umheiminum grein fyrir þessari vitneskju.

Talsmaður Kristilegra demókrata í utanríkismálum var viðstaddur lokaðan þingfund þar sem greint var frá þessum upplýsingum og þar sem hann er bundinn þagnarskyldu má hann ekki sjálfur greina frá því sem þar var sagt, en hann hefur hvatt kanslarann til að gera upplýsingarnar opinberar.

Nú hef ég enga hugmynd um hversu áreiðanlegur fjölmiðill Asia Times er, en mér sýnist greinin ekki vera þess eðlis að afgreiða megi hana sem eitthvað bull. Við skulum sjá til hvort aðrir fjölmiðlar fjalli um málið á næstu dögum.

Nokkrar tilvitnanir:

"Expurgated portions of Iraq's December 7 report to the UN Security Council show that German firms made up the bulk of suppliers for Iraq's weapons of mass destruction programs. What's galling is that German Chancellor Gerhard Schroeder and his minions have long known the facts, German intelligence services know them and have loads of information on what Saddam Hussein is hiding, and Schroeder nonetheless plays holier than thou to an easily manipulated, pacifist-inclined domestic audience."

...

"In 1991, Iraq fired dozens of Scud missiles at Israel and threatened to arm the missiles with poison-gas and biological warheads. Most of the contents of those warheads were made in Germany or made with the aid of German engineers and technology. In light of German history, can Herr Schroeder countenance the possibility of a future poison gas attack on Israel (or anyone else) facilitated by German know-how? Schroeder may not want to go to war. So be it. But he should regard it as his most solemn obligation to do his absolute damnedest to make sure that in the future "good Germans" don't once again stand there and say: "We didn't know.""

...

"Over the years, well over half of the precursor materials and a majority of the tools and know-how for their conversion into weapons were sold to Iraq by German firms - both prior to and after the 1991 Gulf War."

...

"In February 2001, the BND [þýska leyniþjónustan] compiled a further report and intelligence chief August Hanning told Spiegel magazine that, "Since the end of the UN inspections [December 1998], we have determined a jump in procurement efforts by Iraq," adding that Saddam was rebuilding destroyed weapons facilities "partly based on the German industrial standard"".

...

"In April 2001, Hanning told the Welt am Sonntag newspaper that Iraq was developing a new class of chemical weapons, reiterated his alert on Iraq's missile and nuclear programs, and said that several German companies had continued to deliver to Baghdad components needed for the production of poison gas."

Kannski var vænissýkin í mér ekkert svo vænisjúk?

2003-02-07T09:18:00.000Z

Sniðugir linkar

Fékk skemmtilegan tölvupóst áðan með nokkrum sniðugum linkum í boði Backwash.com. Ég er hreint ekki búinn að vera nógu duglegur að skrifa sjálfur á síðuna, en það er gott til þess að vita að þau eru enn í rífandi stemmingu á Backwash.

[1] Skemmtileg upptalning á fimmtán mikilvægustu og fimmtán heimskulegustu augnablikum ársins 2002 þegar kemur að veraldarvefnum - Shift.com.

The "Nice try but no cigar" award for 2002 goes to British Telecommunications plc, who start the year off by claiming they own the patent on hyperlinking. ISPs should pay them licensing fees for using links, says BT. Yeah, right. Needless to say, they're laughed out of court.

[2] Celeb-blogg. Neil Gaiman og William Shatner eru báðir með bloggsíður, sem gaman er að lesa - sérstaklega Shatner síðan, þótt ég sé ekki mikill ST, eða Shatner maður.

[3] Tech-support sögur. Frásagnir þeirra sem vinna hjá tækni- og ISP-fyrirtækjum við að hjálpa viðskiptavinum sínum í gegnum síma. Sumt fólk á ekki að fá að snerta neinn þann hlut sem gengur fyrir rafmagni.

[4] Gore-isms. Stuðningsmenn George W. Bush eru komnir með upp í kok á öllu vonda fólkinu sem gerir grín að því þegar hann stígur upp í sjálfan sig. Þeir hafa safnað saman svipuðum málvillum sem Al Gore, fyrrverandi verðandi forseti Bandaríkjanna hefur látið frá sér fara í gegnum árin.

"Quite frankly, teachers are the only profession that teach our children."

og

"Democrats understand the importance of bondage between a mother and child."

[5] Að lokum, fáránlegar viðvaranir á vörupakkningum alls staðar að úr heiminum.

Warning on fireplace log:
Caution -- Risk of Fire.

On a string of Chinese made Christmas lights:
For indoor or outdoor use only.

On Sainsbury's peanuts:
Warning: Contains nuts.

Gaman að þessu neti.

2003-02-06T22:52:00.000Z

Frakkar að skipta um skoðun?

Á mbl.is er frétt um að utanríkisráðherra Frakklands hafi sagt að tími Íraka sé senn á þrotum. Er þetta til merkis um að Frakkar muni hoppa á síðustu stundu um borð í stríðsfleytuna, burtséð frá fyrri yfirlýsingum um rómaða ást Frakka á friði og stöðugleika?

Á mánudag birtist grein í International Herald Tribune þar sem þeirri spurningu var velt upp hvort slík umskipti væru ekki á leiðinni hjá Frökkum, sérstaklega eftir kosningaósigra Schröders um daginn. Nú þegar Schröder stendur með brækurnar á hælunum og með fáa kosti aðra í stöðunni en afsögn, gæti það þjónað frönskum hagsmunum best að dömpa Schröder og spyrja Bandaríkjamenn hvort þeir vilji vera memm.

Þá birtist á telegraph.co.uk grein um utanríkisstefnu Frakka, þar sem lesendur eru minntir á að hlusta minna á það sem Frakkar segja, en fylgjast betur með því sem þeir gera. Meðan yfirlýsingar frá Frakklandi eru enn á þá leið að forðast eigi stríðsátök í lengstu lög, stíma frönsk herskip inn Miðjarðarhafið á leiðinni í Persaflóa.

Frakkar, sem gert hafa múltímilljóna olíusamninga við Saddam, eru farnir að gera sér grein fyrir því að stríð verður ekki umflúið og því þurfa þeir að komast inn í stríðsklíkuna til að eiga séns á bita af olíubökunni eftir stríð. Það er hins vegar spurning hvort þeir séu ekki búnir að pirra ráðamenn í Washington það mikið að þeim verði hreinlega ekki leyft að taka þátt í stríðinu.

Þrátt fyrir að stríðið snúist auðvitað að hluta til um olíuna - enda nauðsynlegt fyrir iðnað vesturlanda, sem og almennt þjóðlíf þeirra, að hafa traustan aðgang að olíu, sem ekki er undir stjórn óútreiknanlegra einræðisherra - þá vona ég að Bandaríkin og Bretland sjái skynsemina í því að láta Írökum sjálfum það eftir að ráða því hvaða fyrirtæki fái vinnsluréttindi í landinu. Aðalatriðið varðandi olíuna er að koma henni í ábyrgar hendur - hvort það eru frönsk, bresk eða bandarísk fyrirtæki sem fá að dreifa henni skiptir ekki öllu máli.

Bara að taka það fram að ég tel olíuna ekki aðalástæðuna fyrir því að rétt sé að ráðast inn í Írak - langt því frá. En það væri barnalegt að halda því fram að hún spili ekki inn í ákvarðanatökur í Washington og London. En það er rétt að minna á að það þýðir ekki að farið sé í stríð til að svala græðgi sígarpúandi olíubaróna, heldur er, eins og áður segir, grundvallaratriði fyrir iðnaðarhagkerfi vesturlanda að hafa traustan og tryggan aðgang að olíu.

2003-02-06T20:48:00.000Z

Fréttablogg

Áhugaverð grein um notagildi bloggsins þegar kemur að fréttaflutningi af málum þar sem nýjar upplýsingar berast ört, eins og Kólumbíuslysinu um helgina:

"...the Landing Journal helped Florida Today get "the news out fast and (provide) readers an easy way to see the latest news without having to comb through long articles and figure out what's been added since they last read it. [...] Next time a really big news story breaks in your news organization's back yard, create a temporary weblog."
---

Þá bætti ég við tengli í tenglasafnið hér til vinstri á bráðnauðsynlega síðu, en á henni eru taldar upp helstu rökvillur sem fólk á það til að beita fyrir sig í rökræðum. Það er gott að hafa svona lista við hendina þegar maður er að rökræða, bæði til að hanka andstæðinginn og til að passa upp á að maður sjálfur gerist ekki sekur um notkun þeirra.

UPPDEIT: Önnur grein um notagildi bloggsins í fréttaflutningi.

2003-02-06T17:11:00.000Z

Spike spilar í hljónst

Ja hérna, James Marsters - sá sem leikur Spike í Buffy-þáttunum - er söngvari hljómsveitar sem heitir Ghost of the Robot. Hann spilar líka á gítar. Út er kominn geisladiskurinn "Mad Brilliant" með bandinu, sem ég veit annars ekkert meira um. Ætli Jimmy syngi með breskum hreim?

2003-02-06T01:07:00.000Z

Helv. Haloscan

Svo virðist sem einhver komment hafi horfið í dag af kommentakerfinu. Vildi bara taka það fram að um slys er að ræða, en ekki það að ég hafi eytt kommentum.

2003-02-05T08:52:00.000Z

Taðskegglingurinn ég

Var að enda við að raka af mér skeggið, þannig að núna líkist ég eilítið betur myndinni sem hangir uppi á deigluvefnum - fyrir utan laupshárgreiðsluna sem ég er með á myndinni. Skeggleysið verður samt væntanlega skammvinnt - það er of kalt í veðri til að vera skegglaus.

2003-02-05T08:22:00.000Z

Svona á að gagnrýna stríðið

Þetta er besti texti sem ég hef lesið þar sem hugsanlegt stríði gegn Írak er mótmælt, þótt greininni sé beint til þeirra sem andvígir eru stríðinu en ekki þeirra sem eru því fylgjandi. Frábært dæmi um hvernig á að einbeita sér að aðalatriðunum, en ekki láta mótmælin snúast um Mumia Abu-Jamal, eða ómerkilegar persónuárásir á Bush (hann er ógisslega heimskur) eða Blair (púðluhundurinn hans Bush). Ég deili hins vegar ekki áhyggjunum sem höfundurinn lætur í ljósi í lokaorðum greinarinnar, en það er bara minn karaktergalli.

2003-02-04T21:31:00.000Z

Mafían hristir sig

Samkvæmt þessari frétt er hugsanlegt að ítalska Mafían láti til sín taka á næstu misserum, jafnvel með ofbeldi. Mafíubossarnir ætla samt að byrja á því að mótmæla með friðsamlegum hætti því að ítölsk yfirvöld hafi ekki staðið við samninga sem gerðir voru við þá fyrir nokkrum árum. Athyglisvert að rekast á frétt um ítölsku mafíuna á japanskri fréttasíðu.

MEIRA: Önnur frétt um ítölsku mafíuna.

2003-02-04T21:09:00.000Z

Tjáningarfrelsi í Frakklandi

Í fyrra birti franska tímaritið Lyon Mag, viðtal við matargagnrýnanda. Sá hinn sami sagði Beaujolais vín "léttgerjaðan og áfengan ávaxtasafa" og "skítavín". Franski víniðnaðurinn tók þessum ummælum skiljanlega illa, fór í mál við manninn og tímaritið - og vann! Undirréttur í Frakklandi úrskurðaði sem svo að með því að líkja Beaujolais-vínum við saur hafi gagnrýnandinn François Mauss og blaðamaðurinn sem tók viðtalið við hann farið út fyrir mörk þess sem störf þeirra leyfa. Sektin, sem hljóðar upp á 250.000 evrur, er svo há að hún gæti orðið til þess að loka verði tímaritinu. Málinu hefur verið áfrýjað.

2003-02-04T20:02:00.000Z

Instalawyer

Blogg fyrir þá sem hafa áhuga á lögfræði, bandarískri lagapólitík og Family Guy (tékkið á nafninu á lögfræðingnum).

2003-02-04T19:43:00.000Z

Venesúela

Bróðir minn var eitt ár skiptinemi í Caracas og því reynir maður að fylgjast með því sem gerist þar. Nú veit ég ekki hvort sagðar hafa verið fréttir af þessu hér á landi, eða hvort þær verða yfirhöfuð sagðar, en þessi venesúelski bloggari heldur því fram að safnað hafi verið saman 4.4 milljónum nafna í undirskriftasöfnun í Venesúela fyrir því að kosningar verði haldnar sem fyrst. BBC hefur greint frá söfnuninni, en getur ekki staðfest fullyrðingar aðstandenda söfnunarinnar að rúmlega fjórar milljónir hafi skrifað undir.

Hvort sem undirskriftirnar eru fjórar milljónir, tvær eða ein þá sýnir þetta samt sem áður svart á hvítu (bókstaflega) að andstæðingar forsetans eru ekki fámenn valda- og peningaklíka eins og Chavez og fylgismenn hans hafa haldið fram.

2003-02-04T16:36:00.000Z

Þagðir í hel

Melkorka Óskarsdóttir skrifar pistil á Pólitík.is í dag þar sem hún gagnrýnir afbragðsgóðan fund sem haldinn var á vegum Vöku og fjallaði um kynþáttafordóma. Framsögumenn voru þau Hlynur Freyr Vigfússon, frá Félagi íslenskra þjóðernissinna, Þórunn Sveinbjarnardóttir, alþingismaður Samfylkingarinnar og Þórlindur Kjartansson, ritstjóri vefritsins www.deiglan.com og fyrrv. formaður Vöku.

Í pistlinum segir Melkorka m.a.: "Þetta var hreinlega kjánalegt. Þarna var haldinn fundur sem átti að heita lýðræðislegur en það sem augljóslega var aðalnúmer fundarins voru menn sem halda uppi öfgafullum og andlýðræðislegum skoðunum."

Nú er ég ekki alveg að skilja - getur fundurinn ekki talist lýðræðislegur ef meðal framsögumanna eru menn sem aðhyllast ógeðfelldar skoðanir? Er það ekki beinlínis til merkis um virðingu fyrir lýðræðinu að slíkur fundur er haldinn? Væri það í raun ekki hræsni af félagi, sem kennir sig við lýðræðið, að neita að fjalla um ákveðnar stefnur eða skoðanir vegna þess að umræddar stefnur og skoðanir eru meirihlutanum ekki þóknanlegar?

Melkorka heldur áfram: "Hvers vegna var þessi fundur haldinn? Hvers vegna er Félagi íslenskra þjóðernissinna teflt fram sem lýðræðislegum flokki sem eigi erindi í málefnalegar umræður um innflytjendamál?"

Þótt flokkurinn haldi fram öfgakenndum, og ógeðfelldum skoðunum, sem fæstir Íslendingar (vonandi) aðhyllast þýðir það ekki að ekki eigi að ræða hugmyndir þeirra opinberlega. Ef málflutningi þjóðernissinna er ekki svarað á opinberum vettvangi þá er þeim afhent frumkvæðið í umræðunni og munu ráða því hvernig hún mótast. Fullyrðingar eins og þær að innflytjendur hafi af Íslendingum vinnu, að innflytjendur vinni ekkert heldur séu bara á féló og fleiri slíkar geta hljómað sennilega í eyrum einhverra þeirra er á þær hlíða. Þess vegna er nauðsynlegt að fylgjast vel með því sem þjóðernissinnarnir segja og hrekja rök þeirra jafnóðum og þau eru sett fram.

Það að hundsa rasistana og koma í veg fyrir að þeir geti komið skoðunum sínum á framfæri gerir engum gott nema rasistunum sjálfum. Það væri mikill happafengur fyrir þá gætu þeir haldið því með réttu fram að þeim væri meinað að koma skoðunum sínum á framfæri, því í eyrum sumra er það sönnun fyrir því að umræddar skoðanir eigi við rök að styðjast. Leyfum þeim að öskra sinn hatursáróður af hæstu húsþökum og svörum þeim aftur fullum hálsi. Það er rétta leiðin til að vinna á fordómunum. Hatur verður ekki þagað í hel.

2003-02-03T23:02:00.000Z

Online bækur um geymskutlurnar

Snillingurinn hún móðir mín benti mér á þessa síðu, en um er að ræða heimasíðu bókaforlagsins National Academies Press, sem sérhæfir sig í útgáfu kennslu- og fræðibóka. Þeir NAP-menn bjóða ekki aðeins bækur til sölu heldur bjóða þeir einnig upp á ókeypis lestur nokkurra bóka á netinu. Tvær þeirra koma Kólumbíuslysinu, og geimferðaáætlun Bandaríkjanna sérstaklega við. Ég hef, eins og gefur að skilja, ekki haft tíma til að lesa bækurnar og veit því ekki hvort eitthvað sé í þær varið, en þetta er a.m.k. skemmtilegt framtak.

[+] Upgrading the Space Shuttle
[+] Protecting the Space Shuttle from Meteoroids and Orbital Debris

2003-02-03T22:18:00.000Z

Samtök gegn súrmeti

Rakst á þessa snilld á batman.is og skráði mig samstundis. Það var eðlilegt að fólk át súrmat þegar sýra var eina almennilega geymsluaðferðin sem þekktist á Íslandi og var flestum aðgengileg (salt var of dýrt fyrir almúgann), en það að halda áfram áti á þessum viðbjóði nú þegar ferskmeti stendur öllum til boða er óskiljanlegt. Svo segir mér hugur um að hefði venjulegum Íslendingi á sautjándu öld verið gefið tækifæri til að éta ferskt ket á hverjum degi hefði viðkomandi ekki hikað við að fleygja öllum hrútspungum á fjóshauginn. Súrmatur er ekki hundum bjóðandi eins og Stöð 2 sýndi með eftirminnilegum hætti á dögunum.

Skráið ykkur í Samtök gegn súrmeti.

2003-02-03T21:06:00.000Z

CSI: Bara gisk?

Áhugaverður póstur um réttarvísindi alls konar, með sérstaka áherslu á aðferðir bandarísku alríkislögreglunnar, FBI, við samanburð á byssukúlum. Sérfræðingar FBI hafa lengi haldið því fram að allar kúlur sem steyptar eru á sama tíma séu efnafræðilega eins og því megi tengja saman tvö eða fleiri aðskilin mál með því að bera saman byssukúlurnar sem skotið hefur verið í hverju þeirra.

Samkvæmt póstinum, og þessari grein (nauðsynlegt að skrá sig, en skráning er ókeypis og einföld), er ekkert í byssukúlukenningu FBI spunnið, því kúlur sem gerðar eru úr sama blýklumpinum geta verið mismunandi að gerð efnafræðilega og kúlur sem gerðar eru með margra ára millibili geta verið nákvæmlega eins.

2003-02-03T19:55:00.000Z

Hvað er í gangi?

Það er ekki oft sem maður er sammála því sem dálkahöfundar The Guardian - jötuns bresks sósíalisma - skrifa, en þessi pistill eftir Julie Burchill er afskaplega góð lesning. Þar tekur hún á nokkrum helstu rökum þeirra sem eru á móti stríði við Írak, eins og ásökunum um að stríðið snúist eingöngu um olíu.

Þá skrifar David Aaronovitch í The Observer um ástæður þess af hverju hann telur nauðsynlegt að stríð verði háð við Írak. Bendir hann á að það að halda að sér höndum við aðstæður eins og þær við búum við nú geti verið alveg jafn slæmt og gagnrýnivert og að hefja ónauðsynleg stríð. Bosnía og Rúanda ættu að hafa kennt fólki að stundum er stríð skárri kostur af tveimur slæmum.

Tveir afbragðsgóðir pistlar, skrifaðir af breskum vinstrimönnum í tvo af hornsteinum breskrar vinstrisinnaðrar blaðamennsku, The Guardian og The Observer - hvað er að gerast?

2003-02-03T17:51:00.000Z

Kólumbía og forsíðufréttir

Þessi gaur hefur safnað saman myndum af forsíðum bandarískra dagblaða sem út komu um helgina. Athyglisvert að sjá mismunandi útgáfur af sömu fréttinni, og einnig að sjá hvað forsíður sumra blaðanna eru nauðalíkar hver annarri.

2003-02-03T17:24:00.000Z

Tilvitnun dagsins

A gourmet is a glutton in a tux.

2003-02-03T17:16:00.000Z

Er hann skyggn, helvískur?

Þess var ekki langt að bíða að spádómar Eiríks Grænlandsfara um viðbrögð við Kólumbíuslysinu rættust. Í síðasta pósti sagði Eiríkur: "En svo koma upp Kolbrúnur og Steingrímar J. þessa heims og setja spurningamerki við mannaðar geimferðir, vilja hætta þeim, fólk dó, hræðilegt." Múrinn lét ekki lengi bíða eftir sér, en í dag birtist greinin "Samúðarkveðjur til Sýningarstjóra" eftir Steinþór Harðarson.

2003-02-02T23:17:00.000Z

Don Ólafsson

Tók fólk eftir því að þegar fjallað var um kaup Jóns Ólafssonar á Stöð 2 í heimildaþættinum "Tuttugasta öldin" sem sýndur var í kvöld þá var lagið úr "The Godfather" leikið? Þau tíðkast lúmsku skotin hjá honum Hannesi.

[+] Hérna má finna Godfather-lagið ásamt fleiri lögum úr þríleiknum.

2003-02-02T16:06:00.000Z

Bill Mauldin

Teiknimyndasöguhöfundurinn Bill Mauldin, sem varð frægur fyrir teikningar sem hann gerði meðan hann barðist í bandaríska hernum í Evrópu í seinna stríði og birstust í tímaritinu Stars and Stripes, lést miðvikudaginn 22. janúar síðastliðinn. Mauldin, sem fékk Pulitzer verðlaunin fyrir teikningarnar, sem einkenndust af kolsvörtum húmor og hæfilegu virðingarleysi gagnvart yfirmönnum. Sjálfur Patton á t.d. að hafa húðskammað Mauldin fyrir að draga úr baráttuþreki hermannanna með verkum sínum.

[+] Frétt af andláti Mauldins í Stars and Stripes.
[+] Haugur af teiknimyndum eftir Mauldin.
[+] Frásögn Mauldins af fundi þeirra Pattons.

2003-02-02T15:13:00.000Z

Af hverju innrás í Írak?

Pravda er með áhugaverða kenningu um ástæður Bandaríkjamanna til að ráðast inn í Írak. Samkvæmt henni er Bush stjórnin ekki að leitast eftir yfirráðum yfir Íröskum olíulindum heldur vill hún koma í veg fyrir að Írakar nái að vinna mikilvægar upplýsingar úr fljúgandi diski sem á að hafa hrapað í landinu fyrir nokkrum árum. Þá er þeirri spurningu varpað fram hvort eitthvert samkrull sé milli Íraksstjórnar og undarlegra vera utan úr geimnum.

Af hverju er Mogginn ekki búinn að segja frá þessu?

2003-02-02T14:59:00.000Z

Ekki bara Kommarnir

Það eru ekki bara öfgamenn til vinstri sem sýna vítaverða hegðun í tengslum við hugsanlegt stríð við Írak og ástandið í Mið-Austurlöndum almennt. Í þessari frétt úr The Washington Post er sagt frá ráðstefnu á vegum Conservative Political Action Conference þar sem hægt var að kaupa ósmekkleg spjöld og stuðaralímmiða með skilaboðum eins og "No Muslims - No Terrorism" (fólk ekki alveg með N-Írland og Baskaland á hreinu), og "Islam" þar sem s-inu var skipt út fyrir hakakross.

2003-02-01T16:11:00.000Z

Geimnördar gráta

Slæmar fréttir fyrir alla þá sem hafa áhuga á geimferðum:

"The American space agency Nasa says it has lost contact with the space shuttle Columbia about 15 minutes before it was due to land at the Kennedy space centre. [...]Television pictures showed a vapour trail from the craft as it flew over Dallas. It then appeared to disintegrate into several separate vapour trails, and witnesses in the area said they heard loud noises."

Hljómar ekki vel.

2003-01-31T17:42:00.000Z

Bloggfall dauðans

Núna er nákvæmlega vika frá því að ég bloggaði síðast, en bloggfallið er náttúrlega ekki mér að kenna heldur goðum, gyðjum og forynjum margs konar sem öll lögðust á eitt um að halda mér frá Alnetinu.

Annars er lítið af mér að frétta, ég er eilítið eldri og eilítið lífsreyndari. Búinn að horfa svolítið á Farscape þætti sem ég fékk lánaða hjá vinum mínum þeim Óla og Ottó, horfði á Catch Me If You Can (góð) og Star Trek Nemesis (endurgerð af Galaxy Quest), vann að ritgerðinni ógurlegu og skrifaði nýjan Deiglupistil. Hann er svar við bréfi sem Stefán Pálsson skrifaði vegna annars pistils sem ég skrifaði fyrir viku. Með nýja pistlinum er svo fylgisíða með heimildum og frekari upplýsingum.

Svo mælist ég til þess að áður en fólk hleypur næst til handa og fóta með fullyrðingum um "vitleysu og illkvitni", "dylgjur" eða "ómerkilega taktík" leggi það að minnsta kosti á sig að lesa textann, sem gagnrýna á, tvisvar sinnum yfir og hóa e.t.v. í foreldrana til að fá hjálp með löngu orðin.
----

Sá þetta hjá Eiríki félaga, hvet fólk til að skrifa undir.

"Dear Mr. Gore,

We, the undersigned, hold you in the highest regards for inventing the internet. However, there is one issue that has come to light that noone could have possibly forseen: NORWAY. Norway has no business on the internet. 98.3% of Norwegians with internet connections use their computers to join english-speaking chat rooms, only to babble incoherently and then flood before being forcefully removed. This issue must be resolved immediately.

Mr. Gore, O Great Creator of the Internet, please remove all major backbone routes to and from Norway. This is the only solution at this point. Thank you.

Sincerely, the undersigned."

2003-01-24T12:05:00.000Z

Undirskriftasöfnun gegn stríði

Ég fékk ímeil frá félaga mínum í Belgíu (frekar ruglaður tappi, fertugur en djammar bara með krökkum á mínum aldri og á fyrrverandi eiginkonu sem er yngri en ég - frábær gaur samt) núna í dag. Það væri svo sem ekki í frásögur færandi nema hvað að um var að ræða keðjubréf þar sem ég er kvaddur til að skrifa undir plagg þar sem hugsanlegu stríði gegn Írak er mótmælt. Í bréfinu er því haldið fram að Sameinuðu þjóðirnar standi fyrir undirskriftasöfnuninni, en það ætti hverjum hugsandi manni að vera ljóst að það er uppspuni frá rótum.

Það er álíka og ef Alþingi safnaði undirskriftum til að mótmæla Kárahnjúkavirkjun. Sameinuðu þjóðirnar, líkt og Alþingi, eru vettvangur þar sem ákvarðanir eru teknar, en ekki aðili að ákvarðanatökunni.

Sjá tilkynningu upplýsingaþjónustu Sþ varðandi söfnunina.

Þá er það athyglisvert að enski textinn í ímeilnum er ekki í samræmi við þann franska eða þann spænska, en spænsku og frönsku útgáfurnar eru nánast eins. Franski og spænski textinn byrja báðir á því að Bandaríkin eru sögð við það að lýsa yfir stríði, en þessari fullyrðingu er sleppt í enska textanum. Í stað þess stendur "STAND FOR PEACE. War is NOT the Answer". Þá eru ensku lesendurnir varaðir við því að undirskrift þeirra muni e.t.v. ekki breyta miklu en þeir ættu samt sem áður að skrifa undir. Þessari viðvörun er sleppt í franska og spænska textanum.

Nú hef ég ekki hugmynd um hvað maður á að lesa í þennan mun (ef nokkuð er hægt að lesa í hann) en hann er alltént áhugaverður. Þá væri gaman að vita hverjir standi í rauninni fyrir undirskriftasöfnuninni og af hverju þeir geri það ekki í eigin nafni í stað þess að plata fólk til að skrifa undir.

Textinn í heild sinni:

STAND FOR PEACE. War is NOT the Answer. Today we are at a point of
imbalance in the world and are moving toward what may be the beginning of
a THIRD WORLD WAR. If you are against this possibility, the UN is gathering
signatures in an effort to avoid a tragic world event. Your signing up
may look a minor thing, but many names will help the UN to direct much
energy
in a more peaceful direction. PLEASE COPY (rather than forward) this
e-mail IN A NEW MESSAGE, sign at the end of the list, and send it to all
the
people whom you know. If you receive this list with more than 500 names
signed, please send a copy of the message to: unicwash@unicwash.org
Even if you decide not to sign, please consider forwarding the petition
on instead of eliminating it. Thank you.

----------------------------------------------------------------------
Les États-Unis sont sur le point de déclarer la guerre.
Aujourd'hui, nous nous trouvons dans une situation de déséquilibre
mondial, ce qui pourrait initier une TROISIÈME GUERRE MONDIALE. Si vous
êtes
contre, l'ONU est en train de compiler les signatures pour éviter ce
tragique
événement mondial.
S'IL VOUS PLAÎT FAITES UNE COPIE de ce message (plutôt que de le
transmettre) et placez-le DANS UN NOUVEAU MESSAGE, écrivez votre nom à la
fin de la liste et envoyez-la à toutes les personnes que vous connaissez.
Si vous recevez cette liste et qu'elle contient plus de 500 noms, s'il
vous plaît, envoyez une copie à cette adresse: unicwash@unicwash.org
De plus, si vous n'ajoutez pas votre nom à la liste, s'il vous plaît,
n'effacez pas la pétition. Faites-la suivre à quelqu'un d'autre. Merci.

-----------------------------------------------------------------------
Estados Unidos está a punto de declarar la guerra. Hoy nos encontramos en
un punto en desequilibrio mundial por lo que puede dar inicio a una
TERCERA GUERRA MUNDIAL. Si tu estas en contra, la ONU se encuentra
recopilando
firmas para evitar este trágico acontecimiento mundial. POR FAVOR COPIA
este e-mail en un mensaje nuevo, firma al final de la lista que veras a
continuación, y mándalo a todas las personas que conozcas. Si recibes
esta lista con + de 500 nombres en ella, por favor envía una copia del
mensaje
a: unicwash@unicwash.org
Incluso si decides no firmar, por favor se considerado y no elimines la
petición. SÓLO REENVÍALO PARA JUNTOS HACER ALGO. Gracias.

2003-01-24T11:36:00.000Z

Hvað er að gerast í Venezuela?

Athyglisverð, en jafnframt vemmileg frétt frá Venezuela.

"Last week Soriano organized another soccer match. On Wednesday he visited the Universidad Central de Venezuela, the main university in the capital, to attend a meeting of the student government. Violent clashes erupted as members of the Circulos Bolivarianos, an armed militia sworn to protect the revolution, began throwing rocks and tear gas grenades at the students. The militia identified Soriano and captured him. They then tied his hands and feet, lifted him up, and paraded him through the street like a sacrificial lamb chanting "Judas! Judas!" The entire spectacle was recorded by a cameraman who works for the official government television entity. Soriano was beaten so severely that he was left at the hospital emergency room. At the hospital he was detained by the DISIP, Chavez's secret police, and taken to their headquarters for questioning.

During his interrogation, fingernails in his left hand were torn out. After being further tortured and injected with drugs, the secret police took him into the bowels of the building and placed him in a cell. His cellmate: Joao de Gouveia.

Gouveia has the keys to the cell and comes in and out of the secret police headquarters at will. His only restriction is that he must sleep in the precinct, lest Chavez's police are revealed as allowing a confessed killer to roam free. Soriano's mother (who is also a Chavez supporter) tearfully claimed that Gouveia sodomized Soriano and beat him with such force that Soriano cannot open his eyes.

Soriano was released last Friday afternoon after Roy Chaderton advised Chavez that the case could filter out of Venezuela and could become a "human-interest story" with the potential to derail their PR campaign.

The government denied that Soriano had been mistreated. A thorough medical examination by a civil surgeon reveals that, beyond lacerations, severe bruising, and cracked ribs, Soriano had been repeatedly raped while in custody. His right arm shows that he has been injected. Nails are missing from his left hand. Soriano's internal organs have been crushed to the point that he urinates blood, and he cannot walk without assistance. "

Nú, ef Chavez væri hægrisinnaður einræðisherra væru samtök eins og ANSWER og IAC líklega að mótmæla ógnarstjórninni í Venezuela, en þar sem vinstrisinnaðir einræðisherrar og týrantar eru góðu gaurarnir í þeirra bókum er vonlaust að bíða eftir slíkum mótmælum. Hvað ætli félagar þeirra á Múrnum og UVG segi?

2003-01-24T11:24:00.000Z

Ekki gleyma smáfuglunum

Nú þegar snjórinn er loksins kominn má ekki gleyma því að smáfuglarnir eru glorsoltnir þessa dagana. Ég mælist til þess að bloggarar kaupi fuglafóður, eða risti brauð og brytji það niður og gefi hinum fiðruðu frændum okkar.

2003-01-24T10:50:00.000Z

Á ekki til eitt aukatekið orð!

Frá Yahoo:

"COPENHAGEN, Denmark - Parents of more than 100 Danish scouts were outraged over a game of tag at a scout camp in which children acted as Jews wearing yellow Stars of David and tried to escape from adults pretending to be Nazis.

Jes Imer of the local FDF chapter told the tabloid B.T. that they 'may have crossed the line this time with a night game where Nazis chase Jews.'

The school yard included a sign with the German words 'Arbeit macht frei,' or 'Work will set you free,' the infamous inscription over the entrance to the Auschwitz concentration camp in Poland.

'I don't know whether I should apologize," Imer told B.T., adding "I didn't want the game to hurt anyone.'"

Úff, þessir Danir maður!

2003-01-24T10:21:00.000Z

Einræðisherramánuður í Frakklandi

Hvað er það eiginlega með Frönsku stjórnina og silkihanskameðferð á einræðisherrum úti í heimi? Eru Frakkar fúlir yfir því að geta sjálfir ekki lengur kúgað litað fólk svo þeir styðja við og klappa á bakið hverjum þeim stigamanni sem ræður ríkjum í Afríku eða Mið-Austurlöndum? Erum við að tala um milligöngukúgun, eða eru Frakkar einfaldlega nær Frelsaranum og boðskap Biflíunnar en flestir aðrir og sjá ekki lengur tilganginn í því að refsa mönnum fyrir eitthvað sem Guð mun hvort eð er refsa fyrir á Dómsdegi?

Rennum yfir listann:

[+] Frakkar ætla að bjóða Robert Mugabe, einræðismógúls Zimbabwe í heimsókn í næsta mánuði þrátt fyrir að honum sé meinað að stíga fæti inn fyrir landamæri Evrópusambandsins. Vonast Franska stjórnin til að heimsóknin verði til þess fallin að auka lýðræði í Zimbabwe. Right!

Úr fréttinni: "As relations between the UK and Zimbabwe have deteriorated, France has been moving closer to Mr Mugabe's government."

Jamm, Frakkar eru svo sannarlega góðir bandamenn og vinir vina sinna.

[+] Frakkar greiddu ekki atkvæði gegn því að fulltrúi Líbýu væri skipaður formaður Mannréttindanefndar Sameinuðu þjóðanna, þrátt fyrir að Líbýumenn hafi skotið niður franska flugvél árið 1989, skipulagt sprenginguna kennda við Locherbie og að Gaddaffí hafi verið einn harðast stuðningsmaður alþjóðlegra hryðjuverkamanna eins og Abu Nidal í gegnum árin.

[+] Svo þarf náttúrlega ekki að taka fram harða andstöðu Frakka gegn hugsanlegum hernaðaraðgerðum gegn Írak. Hún er í raun svo ofsafengin að maður veltir því fyrir sér hvað frönsku stjórninni gengur til. Af hverju eru Frakkar (og Þjóðverjar) tilbúnir að fórna miklum og mikilvægum tengslum ríkjanna við Bandaríkin einungis til að viðhalda ógnarstjórn Saddams Husseins. Ég hef ekki nokkra trú á að þarna ráði skrúplur þeirra Chiracs og Schröders ferðinni, maður skilur að vissu leyti að Schröder þarf að viðhalda stríðsandstöðunni sem hann var kosinn út á, en maður sem lét það verða sitt fyrsta verk sem forseti Frakklands að sprengja kjarnorkusprengjur í Kyrrahafinu er enginn friðarsinni.

Er hugsanlegt að frönsk og þýsk fyrirtæki hafi, með vitund og vilja þarlendra stjórnvalda, selt Írökum vopn eða vopnabúnað - þvert á alþjóðalög - og að ríkisstjórnunum sé svona mikið í mun að afstýra stríði svo ekki komist upp um glæpinn? Það er náttúrlega ljóst að komist upp um slík viðskipti gæti það skaðað samskipti þjóðanna við Bandaríkin svo alvarlega að ekki verði úr bætt á næstu áratugum. Bandaríkin gætu jafnvel í kjölfarið krafist þess að Frakkar og Þjóðverjar gengju úr NATO, eða gengið sjálf úr samtökunum verði ekki orðið við þeirri kröfu.

Auðvitað er ég að gefa vænissýkinni svolítið lausan tauminn, en maður veltir þessu samt sem áður fyrir sér. Hvað er það sem Frökkum og Þjóðverjum er svona mikilvægt? Hvað eru þeir að græða á að halda Saddam á valdastóli?

2003-01-24T09:20:00.000Z

Röskvan í góðum gír

Ásta bendir á sérstaka ljósmyndatækni þeirra Röskvumanna í frétt þeirra af einhverjum ógurlegum málefnafundi. Ekki nóg með að myndirnar séu teknar frá mismunandi sjónarhornum til að láta líta út fyrir að fleiri séu mættir en raun varð á (gaurinn í rauðu peysunni er á þremur myndum af átta!), heldur er sjónarhorn myndavélarinnar alltaf mjög þröngt svo að ekki komast fleiri en svona einn og hálfur Röskvumaður inn á hverja mynd. Einhver sagði mér að fundarmenn hafi átt að vera fimmtíu, en ég tel það álíka líklegt og að fjöldi mótmælenda í Washington á laugardag hafi verið 500.000 eða að mótmælendur í Reykjavík hafi verið fleiri en fimmhundruð.

2003-01-24T08:42:00.000Z

Höfundaréttur

The Economist vill gera grundvallarbreytingar á höfundarrétti á vesturlöndum. Ég er að mestu leyti sammála þeim Economist mönnum, en mér finnst nauðsynlegt að sæmdarréttur haldist a.m.k. þar til höfundur verks hefur hrokkið upp af. Það er nógu slæmt að geta ekki lengur grætt á höfundarverki manns án þess að hvaða jólasveinn sem er megi eyðileggja það. En það er rétt sem í greininni kemur fram að hinn langi tími sem höfundarréttur er varinn á, sérstaklega í Bandaríkjunum, getur hægt á útbreiðslu hugmynda í stað þess að hraða henni og auðvelda, eins og höfundarréttarlögum var upphaflega ætlað að gera.

2003-01-24T08:16:00.000Z

Enn eitt mótmælendabloggið

Ég held stríðsáróðrinum áfram í nýjasta Deiglupistlinum mínum. Þar skrifa ég um samtökin A.N.S.W.E.R., sem stóðu fyrir mótmælunum í Bandaríkjunum og öðrum ríkjum síðasta laugardag. Þau eru náttúrlega ekkert annað en hýenuhópur afdankaðra stalínista, en ég reyni að orða það aðeins öðruvísi í pistlinum sjálfum. Maður má ekki móðga hýenurnar.

2003-01-23T19:09:00.000Z

Hugsjónir og hugsjónafólk

Það er alltaf gaman að sjá hversu þröngsýnt vinstrisinnað fólk getur verið þegar það vill og þröngsýnin þjónar þeirra málstað og hagsmunum. Gott dæmi um þetta er þær algengu fullyrðingar að hægrisinnað fólk sé hugsjónalaust, eða að George W. Bush hundsi vilja almennings í Íraksmálinu. Kommarnir virðast ekki geta ímyndað sér að þeir sem ekki eru þeim sammála í einu og öllu séu neitt annað en sálarlaus kvikindi eða eigingjarnir ríkisbubbar.

Svo við höldum áfram með Bush-dæmið. Skoðanakannanir hafa sýnt að meirihluti Bandaríkjamanna er því fylgjandi að farið verði með hernaði gegn Saddam Hussein og því fellur fullyrðingin um að Bush hundsi vilja almennings um sjálfa sig. Þegar á þetta er bent hoppa kommarnir og hía og segja augljóst að Bush sé alveg jafn hugsjónalaus og þeir héldu fram og vilji stríð eingöngu til að vinna velvild almennings - þetta sé kosningaplott. En nú ætti það að vera ljóst að hinn almenni Bandaríkjamaður hefur ekkert að græða á stríði, hann er ekki á leiðinni í forsetaframboð árið 2004 og því eðlilegt að ætla að hann trúi raunverulega á réttmæti stríðsins. Þegar ljóst er að meirihluti Bandaríkjamanna trúir því að rétt sé að fara í stríð, til varnar Bandaríkjunum og til að koma á lýðræði í Írak, af hverju er svo fráleitt að halda því fram að Bush og stjórn hans sé á sama máli?

Þá fellur "kosningaplottskenningin" um sjálfa sig þegar Tony Blair er skoðaður. Meirihluti Breta er mótfallinn stríði, en samt sem áður stendur Blair staðfastur við hlið bandamanna Breta hinum meginn Atlantsála. Ekki kemur Blair til með að græða atkvæði á þessari afstöðu sinni, hann á jafnvel á hættu að uppreisn verði gerð innan Verkamannaflokksins. Hann hefur persónulega ekkert að vinna og allt að tapa með afstöðu sinni. Er þá ekki líklegt að hann trúi því að stríð við Írak sé nauðsynlegt? Að það sé þess virði að fórna persónufylginu fyrir eitthvað sem meira máli skiptir - öryggi Breta og allra lýðræðisríkja?

Maður getur verið ósammála fólki án þess að væna það um óheilindi og eiginhagsmunapot. Ég efast til dæmis ekki um að margir vinstrimenn trúa því að einkavæðing ríkisbanka, vera Íslands í NATO og virkjun við Kárahnjúka sé slæmt fyrir þjóðina. Ég er þeim bara ósammála.

2003-01-23T17:24:00.000Z

Rumsfeld biðst afsökunar

Rakst á áhugaverða frétt hérna.

U.S. Secretary Defense Donald Rumsfeld apologized today for referring to France and Germany as an "Axis of Weasels." "I'm sorry about that Axis of Weasels remark," said Mr. Rumsfeld.

"I didn't mean to dredge up the history France and Germany share of pathetic compliance with ruthless dictators."

Rummie er soldill prakkari stundum.

2003-01-22T22:00:00.000Z

Myndir frá Venesúela

Á Salon eru myndir frá mótmælum og kröfugöngum í Venesúela, bæði gegn Chavez forseta og honum til stuðnings. Sá sem setti myndirnar upp spyr hvort deilurnar séu í raun á milli ríkra og fátækra eða hvort þær séu milli kvenna og karla. Að minnsta kosti fer lítið fyrir konum í stuðningsgöngunum, en þeim mun meira er af karlmönnum - og skotvopnum. Myndasmiðurinn spyr einnig hvort hugsanlegt sé að stuðningsgöngumennirnir séu bara glæpamenn og óþokkar sem ráðnir hafi verið til að berja á kvenmönnunum í mótmælagöngunum. Nú veit maður ekki, enda lítið um þetta fjallað í fréttum. En mikið ógurlega fara hermennirnir illa með konugreyin.

2003-01-22T21:43:00.000Z

Fróðleg grein

Rakst á þessa grein úr bandaríska tímaritinu The National Interest um ákveðna stefnu/heimspeki/lífsskoðun sem er ríkjandi hjá stórum hópi Bandaríkjamanna og kennd er við forsetann Andrew Jackson. Greinin er löng en er vel þess virði að lesa, þar sem hún svarar mörgum spurningum og hluta þeirrar gagnrýni sem Bandaríkin sitja undir. Ég er ekki að segja með þessu að greinin sannfæri mann um að gagnrýnin sé ekki réttmæt, en hún útskýrir að nokkru leyti af hverju Bandaríkin gera það sem þau gera.

2003-01-22T20:34:00.000Z

Eftirsjá að Ármanni

Ármann Jakobsson hefur, eins og flestum bloggurum er kunnugt um, tekið þá ákvörðun að hætta að blogga og er það miður. Ég hef haft gaman að blogginu hans Ármanns, enda maðurinn með eindæmum skemmtilegur penni. Það er e.t.v. skiljanlegt að frétta- og blaðamenn fylgist með skrifum Ármanns á netinu, enda er hann þekktur maður og einn af innanbúðarmönnum í Vinstrihreyfingunni-Grænu framboði, og nú þegar styttist í kosningar er auðvelt að sjá af hverju þeir veiti honum enn meiri athygli en ella. Ég vona bara að þegar kosningarnar eru yfirstaðnar taki Ármann upp þráðinn og haldi áfram þaðan sem frá var horfið.

Aðrir hafa skrifað um fráfall Ármanns og Bloggs dauðans. Læðan mótmælir HÁSTÖFUM, og Erna tekur undir þau mótmæli. Svansson telur óraunhæft að halda því fram að skrif á netinu geti talist einkamál viðkomandi (og tek ég undir þá skoðun hans), og Salvör ritar minningargrein um Blogg dauðans.

Ég varð sjálfur þess heiðurs aðnjótandi að vinna verðlaun í síðustu getraun Ármanns. Ég á reyndar enn eftir að sækja verðlaunin, en það mun gerast einhvern næstu daga. Þangað til Ármann tekur aftur upp blogghanskann verður maður að láta sér nægja að lesa það sem hann skrifar á Múrinn, en skrif hans þar eru frekar til þess fallin að pirra sjálfstæðisnjóla eins og mig en skemmta þeim.

2003-01-22T17:21:00.000Z

Harry Potter er djöfullinn

Nei, nei, ég segi bara svona. En Eiríkur er með fína umfjöllun um Potterinn og satanismann í henni Rowling á sínu bloggi. Fræðist líka um það hver hélt því fram að 87% samkynhneigðra ætu kúk.

2003-01-21T20:11:00.000Z

Scott Ritter barnapervert?

Í þessari frétt er látið að því liggja að Scott Ritter, fyrrverandi vopnaeftirlitsmaður og núverandi gagnrýnandi Bandaríkjastjórnar, hafi tvisvar verið handtekinn fyrir að reyna að tæla stúlkur undir lögaldri til sín í kynferðislegum tilgangi. Önnur stúlkan var fjórtán ára og hin sextán. Það verður athyglisvert að sjá hvort sama fólk og (réttilega) réðst gegn Trent Lott fyrir ógeðfelld ummæli hans á dögunum muni gagnrýna Ritter á sama hátt, eða hvort stuðningsmenn hans muni horfa framhjá glæpunum og halda því fram að málstaður Ritters sé réttur og að engu máli skipti hvað hann geri í frístundum.

2003-01-21T19:57:00.000Z

Svart-hvítir hermenn

Það er oft sem talað er um að meðan hvítir gósseigendur ákveði hvenær bandaríska hernum er sigað á önnur ríki, þá séu það aðallega svartir og litaðir menn sem berjist í stríðunum. Hafa menn eins og Michael Moore bent á þetta og notað sem rök fyrir því að þrælahald í Bandaríkjunum hafi aldrei verið lagt af, heldur aðeins breyst og aðlagast nýjum aðstæðum.

Í Víetnam stríðinu var mannfall meðal svartra mun hærra en hlutfall þeirra í bandarísku samfélagi gaf tilefni til og þess vegna ljóst að fullyrðingar um misrétti áttu að vissu leyti rétt á sér.

Samkvæmt þessari frétt er staðan hins vegar allt önnur. Hlutfall hvítra í bardagasveitum hersins er hærra en hlutfall hvítra manna í Bandarísku þjóðfélagi. Það er rétt að um 20% hermanna í bandaríska hernum eru svartir (miðað við 12% hlutfall svartra í Bandaríkjunum almennt), en þeir sæki frekar í stöður og störf fjarri víglínunni sem veiti þeim tækifæri til að verða sér úti um menntun og þjálfun sem muni hjálpa þeim við atvinnuleit að lokinni herþjónustu. Ef einhverjir eru fórnarlömb mismununar þarna þá eru það fátækir hvítir landsbyggðarmenn.

Ég bendi einungis á þetta vegna þess að þetta afsannar eina af þeim fjölmörgu ásökunum sem Bandaríkin þurfa að sitja undir og einnig vegna þess að ég er sjúkur hvolpur með óeðlilegan áhuga á öllu sem viðkemur hernaði.

2003-01-21T19:45:00.000Z

Skemmtilegt próf

Tók athyglisvert próf á vefnum núna áðan, sem ætlað er að tékka á afstöðu manns til ástandsins varðandi Írak og utanríkisstefnu Bandaríkjanna hvað það varðar. Ég skoraði 77, sem þýðir að ég er annað hvort Realist eða Capitalist Stooge (fer eftir því hvernig á það er horft). Þá fékk ég einkunnina 10 af 10 á rationality-skalanum, en er ekki alveg með það á hreinu hvað það þýðir. Ætli það merki ekki að ég sé samkvæmur sjálfum mér í svörunum.

2003-01-20T22:08:00.000Z

Hálf milljón mótmælenda?

Það er ekki bara á Íslandi sem deilt er um fjölda þeirra sem tóku þátt í mótmælagöngunum um helgina. Samtökin A.N.S.W.E.R., sem stóðu fyrir mótmælunum í Bandaríkjunum á laugardaginn, halda því fram á heimasíðu sinni að hálf milljón manna hafi tekið þátt í þeim. Þegar myndir á heimasíðunni eru skoðaðar tekur maður eftir því hve þröngt sjónarhorn myndavélarinnar er. Hvar eru víðu skotin sem sýna þessa hálfu milljón? Hvar er þyrluskotið af mannhafinu?

Þessi stúlka mætti á svæðið og tók eigin myndir af hálfu milljóninni. Kannski nota þeir Answermenn einhverja aðra og merkilegri stærðfræði en almennt gerist, en mótmælendurnir virðast eitthvað færri en 500.000. Í raun sýnist manni þeir vera svolítið einmana þarna.

Annar áhorfandi að mótmælunum giskar á að þáttakendurnir hafi verið um 50.000, en hann er hægrisinnaður og þess vegna æstur í að bragða á írösku barnaketi og því ekkert mark á honum takandi.

Enn eitt dæmið um að það eru ekki bara gírugir gósseigendur og morðóðir bandaríkjaforsetar sem eru tilbúnir að ljúga í áróðursskyni.
---

VIÐBÓT:
[+] Lögreglan í Washington taldi um 30.000 mótmælendur (ekki 500.000) skv. frétt CNN.
[+] Samkvæmt BBC voru mótmælendurnir 50.000.

2003-01-20T20:47:00.000Z

Fluggáfaðir mótmælendur

Meira af mótmælunum um helgina. Þessi mynd er frá mótmælunum í San Fran, og á skiltinu stendur "The difference between Bush and Saddam is that Saddam was elected." Það má vel vera að viðkomandi mótmælandi hafi misst af umfjölluninni um kosningarnar í Írak á dögunum, eða að hann trúi því í alvöru að Saddam hafi fengið 100% kosningu og að kosningaþáttakan hafi einnig verið 100%, en ég á bágt með að trúa því. Sumt fólk er einfaldlega tilbúið að sveigja og beygja sannleikann til að þjóna eigin málflutningi.

Fleiri myndir af heimskulegum mótmælaspjöldum, fullum af rangfærslum og hatursáróðri má finna hér...og... hér. Ég vona að Íslendingarnir sem tóku þátt í mótmælunum á laugardaginn hafi ekki verið jafnslæmir.

2003-01-20T20:19:00.000Z

Írösk kjarnavopn?

Athyglisverð frétt á The Daily Telegraph:

"United Nations weapons inspectors have uncovered evidence that proves Saddam Hussein is trying to develop an arsenal of nuclear weapons, The Telegraph can reveal. The discovery was made following spot checks last week on the homes of two Iraqi nuclear physicists in Baghdad."

Ég hef ekki séð þessa frétt annars staðar og því er erfitt að meta sannleiksgildi hennar, en ég get ekki séð að TDT hafi ástæðu til að ljúga.

2003-01-20T18:18:00.000Z

Friðarsinnar mótmæla

Hérna má sjá myndir frá mótmælagöngu friðarsinna í hippaborginni San Fransisco síðasta laugardag (sýnið þolinmæði, það tekur smátíma fyrir myndirnar að lóda). Merkilegt hve margvíslegan skilning má leggja í orðið "friðarsinni". Samkvæmt orðabók þeirra Friskómanna mega friðarsinnar víst brjóta verslunarglugga og fremja margs konar skemmdarverk í þágu friðar.

Maður er alltaf að læra eitthvað nýtt.

2003-01-19T21:37:00.000Z

Nýir hlekkir

Setti inn tvo nýja hlekki (permalinks) hér á hliðarræmuna. Annars vegar er um að ræða frábæran lista yfir blogg-nýyrði, eins og blogstipation (blogg-ritstífla), blogathy (sinnuleysi gagnvart því sem maður skrifar) og blogorrhea (endalaus flaumur orða sem streyma út á vefinn - andheiti við blogstipation).

Svo ákvað ég að setja InstaPundit þarna inn líka. Þetta er blogg sem tekur á stjórnmálum líðandi stundar og póstar fullt af sniðugum linkum á fréttir og annað viðeigandi. Er víst ógurlega vinsæll og virtur úti í heimi, en ég hef svo sem ekki myndað mér skoðun á síðunni eins og mál standa. Vil bara hafa hana á síðunni minni svo ég muni eftir að tékka á henni daglega. Komist ég að því að hún er gagnslaus þá kippi ég hlekknum út.
---

Þá er ég að skrifa Deiglupistil sem birtast mun á morgun. Ætla að skrifa um snilldarritið "The Political Animal", sem tekur á því hvers konar karakterar fara í pólitík, hvað rekur þá áfram og hvað þeir eiga sameiginlegt. Afar áhugaverð bók sem að sjálfsögðu er ekki hægt að gera nógu góð skil í 400 orðum, og ætla ég því að einbeita mér að einu ákveðnu atriði sem pólitíkusar (a.m.k. í Bretlandi) eiga sameiginlegt.

2003-01-18T20:16:00.000Z

Eiríkur gerir það gott

Eiríkur félagi kemur með góðan punkt í seinasta póstinum sínum. Er ekki til eitthvað sem kalla mætti "öfugsnúna fordóma"? Þ.e. í stað þess að öskra á litaðan einstakling "farðu aftur heim til Afríku" (eða eitthvað álíka ósniðugt) þá lekur af því vinaleg slepjan þannig að óstöðugir áhorfendur ærast hver um annan þveran. Jafnrétti fólks af mismunandi kynþáttum felur það náttúrlega í sér að komið sé nákvæmlega eins fram við alla einstaklinga, hvert sem litaraft þeirra er.

2003-01-18T17:59:00.000Z

Er Röskva á lífi?

Þetta er nú hætt að vera skondið lengur. Rétt rúmur mánuður í kosningar í Háskólanum og Röskvan ekki aktívari en svo að ekki er enn búið að uppfæra heimasíðuna. Skv. henni er Þorvarður Tjörvi formaður SHÍ og Dagný Jónsdóttir, verðandi varaþingmaður, framkvæmdastjóri ráðsins. Hvernig er hægt að greiða fólki atkvæði sem svo greinilega hefur engan áhuga á að bæta Háskólann eða auðvelda stúdentum lífið, heldur vill aðeins komast til valda.

Hefði Röskva einhver málefni til að berjast fyrir og stjórn félagsins væri ekki skipuð duglausu fólki hefði Röskvan ekki látið ósigurinn í vor á sig fá, heldur haldið ótrauð áfram að vinna sínum málefnum brautargengi. En þar sem bæði málefnin og dugurinn eru af skornum skammti í herbúðum Röskvu - svo ekki sé talað um yfirvofandi klofningu fylkingarinnar, sem ekki kemur til með að bæta vinnumóralinn þar á bæ - er erfitt að rökstyðja að stúdentar ættu að greiða henni atkvæði sitt í febrúar.

Í raun er ekki hægt að skilja þögn og aðgerðaleysi Röskvuliða öðruvísi en svo að þeir séu bara sáttir við það sem Vaka er að gera í ráðinu og hafi ekkert við störf meirihlutans að athuga. Slík afstaða er ekki beinlínis til þess fallin til að sópa til sín atkvæðum. "Kjósið okkur af því að ... um ... ég er með mynd af Ástríki á maganum!"

Ekki sannfærandi.

2003-01-17T20:50:00.000Z

Framfarasinnar ósáttir

Hjörtur H. Hjartar, formaður flokks framfarasinna gerir athugasemd við málflutning andstæðinga sinna og segir þá ómálefnalega. Heldur hann því fram að í stað þess að ræða um málefni innflytjenda á efnislegum nótum hafi andstæðingarnir gripið til skítkasts og kalli hann og flokksfélaga hans - að ósekju náttúrlega - kynþáttahatara.

Málflutningur Hjartar á ekki við nein rök að styðjast enda hafa á Deiglunni birst fjöldi pistla um málefni innflytjenda þar sem röksemdum skoðanabræðra Hjartar er svarað. Vel má vera að ekki hafi verið minnst á flokkinn hans í hverri einustu þessara greina en fullyrðing hans um ómálefnalegan málflutning er úr lausu lofti gripin. Undanfarna þrjá mánuði hafa verið ritaðar sjö greinar á Deiglunni um innflytjendur og kynþáttafordóma. Það jafnast náttúrlega ekki á við hlutfall slíkra greina á vefsíðu framfaraflokksins, enda er ekki um annað skrifað þar en skaðsemi innflytjenda og ókosti ESB-aðildar. Vel má vera að framfaraflokkurinn hafi önnur mál á stefnuskránni en bann við innflutningi útlendinga og andstöðu við aðild að ESB, en lítið fer fyrir þeim málefnum á heimasíðunni.

Allavegana. Áðurnefndar sjö greinar eru:

Fordómafullir framfarasinnar - eftir Andra Óttarsson
"Atvinnuþjófnaður" útlendinga? - eftir Andra Óttarsson
Mannréttindadagurinn - eftir Soffíu Kristínu Þórðardóttur
Erlent vinnuafl - eftir Pawel Bartoszek
Skyldunámskeið í íslensku - eftir Pawel Bartoszek
Uppgangur útlendingahaturs - Ritstjórnargrein
Ísland fyrir Íslendinga - eftir Baldvin Þór Bergsson

Þá er í lagi að benda á ágæta umfjöllun á Skoðun um fund íslenskra þjóðernissinna og eftirmála þeirrar umfjöllunar.

2003-01-17T17:41:00.000Z

Vel meint en samt vitlaust

Aðstandendur Frétta halda því fram að rangt hafi verið að sussa á ólátabelgina sem ítrekað trufluðu umræður borgarstjórnar um Kárahnjúkavirkjun í gær. Spyrja þeir hvort lýðræðið verði að fara fram í þögn. Þetta er náttúrlega fáránlegt spurning þar sem hinir lýðræðislega kjörnu fulltrúar kjósenda, hvort sem er á Alþingi eða í borgarstjórn verða að hafa tækifæri til að inna þetta mikilvæga hlutverk sitt af hendi. Það á að vera hverjum manni augljóst að ómögulegt væri ef lítill hópur fólks gæti stöðvað umræður á þessum stöðum einfaldlega með því að öskra nógu hátt!

Lýðræðislegri umræðu á Íslandi er engin hætta búin þótt bannað sé að vera með ólæti á áhorfendabekkjum á Alþingi eða Ráðhúsi. Á Íslandi er funda- og tjáningarfrelsi sem tryggir þeim sem vilja tjá sig bæði rétt og tækifæri til að gera það. Það er allsendis ónauðsynlegt að trufla umræður í borgarstjórn til að koma sjónarmiðum sínum á framfæri. Ég hef enga trú á að fólkið sem að ólátunum stóð hafi í alvörunni haldið að borgarfulltrúarnir hefðu ekki heyrt málstað þeirra áður. Tilgangurinn gat því ekki verið að koma honum áleiðis heldur hlýtur hann að hafa verið einhvers konar hljóðterrorismi (gildishlaðið orð, en samt viðeigandi), og ætlunin að trufla afgreiðslu málsins. Þeir sem standa að slíkum aðgerðum geta ómögulega talist lýðræðissinnar. Í lýðræði ræður meirihlutinn en reyni minnihluti fólksins að trufla gangverk lýðræðisins eða jafnvel að troða skoðunum sínum upp á meirihlutann er ljóst að lítið fer fyrir lýðræðisástinni þar.

2003-01-17T16:48:00.000Z

Hausinn að springa

Djöfull er maður nú vel lesinn!

2003-01-14T17:20:00.000Z

Enn um LOTR

Þá er ég alfarið á móti þessari íslenskun á mannanöfnum og staðarheitum í Lord of the Rings. Andvín, Mínas Tíríð og Hringvomar eru orðskrýpi sem ekki eiga heima í umræðu um þetta enska bókmenntaverk. Þeir tímar eru sem betur fer að baki þegar mannanöfn voru þýdd í íslenskum texta við erlendar kvikmyndir (Ég heiti Bond, Jakob Bond) og ég sé ekki ástæðu til að taka upp þennan ósið þegar að LOTR kemur - þrátt fyrir að um fantasíu sé að ræða.

2003-01-14T17:12:00.000Z

Svansson leiðréttur

Svansson er eitthvað ósáttur við ákveðið element í Two Towers myndinni.

Málið er að Frodo og Sam fóru yfir fljótið Anduin þegar þeir skildu við föruneytið. Þeir þramma um Emyn Muil þangað til þeir hitta Gollum sem leiðir þá út úr hæðunum, yfir Dauðramannafenið og að Svarta hliðinu að Mordor (Morannon). Þegar þeir gera sér grein fyrir því að þar komist þeir ekki hinn leggja þeir af stað suður á bóginn og ganga um Ithilien sem liggur milli Anduin og Mordor. Þegar Faramir tekur þá höndum eru þeir staddir nookuð norðan við Austur-Vestur veginn sem liggur/lá frá Minas Tirith, í gegnum Osgiliath og til Minas Morgul. Í myndinni tekur Faramir þá inn í Osgiliath, og er það í rauninni nauðsynlegt hafi hann ætlað sér að koma þeim til Minas Tirith, enda brýrnar í Osgiliath einu brýrnar yfir ána á þessu svæði.

Ef Frodo og Sam hefðu verið vestan við Anduin allan þennan tíma þá væri vera þeirra í Osgiliath athugaverð, en Peter Jackson er ekki að gera villu þarna. Þetta er frekar augljóst þegar kortið er skoðað.

Hins vegar get ég ekki tekið undir það með Bergsteini að enginn annar en Tolkien megi gagnrýna myndirnar. Það er náttúrlega út í hött að halda þessu fram enda þýddi það að ekki megi gagnrýna uppfærslur á verkum Shakespeares (hvort sem er á sviði eða kvikmyndum) vegna þess að höfundurinn sé látinn! Komm on! Þá get ég ekki samþykkt þá fullyrðingu Bergsteins að LOTR sé uppfull af gloppum "eins og hver önnur fantasía". Hverjar eru gloppurnar?

2003-01-10T19:53:00.000Z

Áfram Klaufabárðar

Munið þið eftir Klaufabárðunum, tékkneskum brúðumyndaflokki um tvo misvitra félaga sem gætu verið posterboys fyrir "gerðu það sjálfur" kúltúrinn, ef ekki væri fyrir allan klaufaskapinn. Nú er í gangi undirskriftasöfnun á netinu sem nota á til að knýja RÚV til að endursýna þessa snilldarþætti. Ég skrifaði undir og hvet alla sem þetta lesa til að gera slíkt hið sama.

Þeir sem ekki geta hugsað sér að bíða eftir viðbrögðum ríkisbáknsins, eða hafa enga trú á því að það taki tillit til óska fólksins í landinu, geta nálgast nokkra þætti úr seríunni hér....og hér.

Gulli fær kredit fyrir að vekja athygli mína á þessu.

2003-01-10T18:32:00.000Z

Þjóðernishreinsanir Bersa

Nú er búið að þurrka burtu öll erlend áhrif úr linkasafninu mínu. Áður voru enskir stafir í staðinn fyrir íslenska: "o" í staðinn fyrir "ó" eða "ö" o.s.frv. en Eiríkur snillingur sýndi mér hvernig átti að hreinsa síðuna af þessari mjög svo óæskilegu málmengun. Þeir sem vilja gera slíkt hið sama geta farið á þessa síðu þar sem html kóda fyrir íslenska stafi er að finna.

Annars er Eiríkur með fleiri járn í eldinum en afbragðs blogg. Hann er líka með þessa síðu hér, þar sem finna má fréttir af Grænlandi, photoshop afrek Eiríks og annað góðmeti.

2003-01-09T22:59:00.000Z

Rangláti dómarinn

Kristbjörn veltir upp skemmtilegri spurningu: Er nafnið á bloggsíðunni hans Sveins Guðmars ekki eilítið óheppilegt nú þegar búið er að sjanghæa hann í embætti dómara í Gettu betur?

2003-01-09T17:49:00.000Z

Grundvallarbreytingar

Eins og sjá má hef ég gert umtalsverðar breytingar á síðunni. Komnir eru tveir nýir hlekkir undir fyrirsögninni "Bloggarar", Ragnar bróðir minn, sem er um þessar mundir í útlegð í Bandaríkjunum og Eiríkur vinur minn. Í nýjasta pósti Eiríks er annars að finna mjög athyglisverða umfjöllun um orðin "eskimói" og "inúíti", uppruna þeirra og merkingu.

Annars er lítið af mér að frétta. Er bara í ritgerðarskrifum og það er, þrátt fyrir allar kvikmyndirnar sem gerðar hafa verið um efnið, ekki eins spennandi og af er látið.

2003-01-08T23:24:00.000Z

Netscape 7.0

Er að búa til heimasíðu og dánlódaði nýjustu útgáfunni af Netscape til að reynslukeyra síðuna á þeim vafrara líka. Netscape er orðinn helvíti flottur, allavegana lítur hann betur út en iexplorer. Ég kem samt ekki til með að skipta. Ég er of íhaldssamur til að gera slíkar grundvallarbreytingar á mínu lífi án þess að hafa til þess betri ástæðu en betra útlit á vafraranum.

2003-01-08T22:12:00.000Z

John Nash, Survivor og Múrinn

Eiríkur vinur minn benti mér á þessa snilldarsíðu þar sem leikjakenningu John Nash er beitt á Survivor þættina. John Nash varð fyrst frægur fyrir alvöru þegar Russel Crowe lék hann í kvikmyndinni "A Beatutiful Mind" en hafði víst áður tekið við Nóbelsverðlaunum í hagfræði.
---

Talandi um kvikmyndaleikara þá skammast Katrín Jakobsdóttir heilan helling í nýjum Múrpistli yfir því hve fáir bandarískir hollívúddleikarar hafa mótmælt hugsanlegu stríði við Írak. Ekki virðist hún trúa því að meirihluti leikaranna sé fylgjandi stríði heldur séu þeir einfaldlega hræddir við að tjá skoðun sína. Hún útskýrir ekkert frekar hvernig hún kemst að þeirri niðurstöðu, en hún smellpassar í heimsmynd þeirra Múrfélaga þar sem fámennar erlendar valdaklíkur ráða því sem þær vilja ráða í krafti kúgunar og ofbeldis. Múrverjar vilja ekki horfast í augu við þann möguleika að meirihluti heimsbyggðarinnar er ekki endilega alltaf á þeirra bandi og ekki sé alltaf um að kenna áróðri eða skoðanakúgun auðvaldsins.

Þess fyrir utan, af hverju ættum við að taka nokkuð mark á skoðunum Warrens Beatties, Steven Spielbergs eða hasshaussins Woddys Harelsons? Ekki hefur þetta fólk sérþekkingu á alþjóðastjórnmálum, varnarmálum eða málefnum Miðausturlanda. Fólkið er í raun eingöngu að tjá sig um eigin siðferðilegu sannfæringu (eða ráðleggingar umboðsmanna, sem e.t.v. telja að aðdáendur þeirra kunni að meta slíkar yfirlýsingar). Hvað er það við Sean Penn sem gerir það að verkum að ég á að skipta um skoðun af því að hann fer í skreppitúr til Bagdad? Ég gæti allt eins látið skoðanir mínar ráðast af áliti Össurs Skarphéðinssonar (hvað sem það er þessa vikuna) eða frosksins Kermits.

Og af hverju eru menningarþjóðernissinnarnir á Múrnum allt í einu farnir að hafa áhuga á því sem gerist í Hollywood?

2003-01-07T20:13:00.000Z

Rasistar í framboð

Nú er það ljóst að íslenskir þjóðernissinnar stefna að framboði til Alþingis í vor. Auðvitað vonar maður að atkvæði þeirra megi telja á fingrum annarrar handar, en einhvern veginn hef ég það á tilfinningunni að þeir muni fá nokkur hundruð, ef ekki þúsundir atkvæða. Allavegana segjast þeir vera nánast komnir með tilskilinn fjölda undirskrifta til að geta boðið fram.

Ég trúi því ekki að þeir muni koma manni inn á þing, en hef af því áhyggjur að stóru flokkarnir muni bregðast við framboðum sem þessum á sama hátt og systurflokkar þeirra í Evrópu hafa gert. Þar hafa borgaraflokkarnir og sósíaldemókratar tekið upp harðari stefnu í innflytjendamálum af ótta við að öfgaflokkar eins og íslenskir þjóðernissinnar hafi af þeim atkvæði. Eins og Deiglan hefur margoft bent á stafar íslendingum og íslensku launafólki engin hætta af innflytjendum. Þeir hafa ekki af nokkrum manni vinnu og eru nauðsynleg viðbót í þjóðfélag þar sem hlutfall eldri borgara vex með hverju árinu sem líður.

Hulda Þórisdóttir skrifaði einmitt afar góðan pistil um dulda kynþáttafordóma Íslendinga á Tíkinni um daginn.

2003-01-07T20:06:00.000Z

Isl.is í tómu fokki

Ég var einn þeirra sem fyrir nokkrum árum fengu sér ókeypis netþjónustu hjá Íslandsbanka. Lítið fór fyrir notkun nettengingarinnar en ég er enn með netfang hjá isl.is. Núna virðist netþjónninn hjá þeim Íslandsbankamönnum eitthvað hafa farið í rugl - e.t.v. ósáttur við greinaflokk Agnesar Braga - því ég er búinn að fá sjö eintök af hverjum einasta tölvupósti sem barst isl.is netfanginu í dag. Eintökin eru ennþá að hrúgast í inboxið mitt og hef ég varla undan við að eyða alls kyns tilboðum frá erótískum vefsíðum og tilkynningum frá Veiðistjóra að ég geti skilað inn veiðiskýrslu á netinu. Ekki hef ég trú á að Veiðistjóraembættið hafi sent mér sjö eintök af sama póstinum, en á í raun auðveldara með að trúa því upp á klámhundana.

Kannski er vefmeistari Íslandsbanka á rússnesku jólafylliríi.

2003-01-06T17:36:00.000Z

Kvikmyndaleikarinn Adolf Hitler

Á Internet Movie Database má finna lista yfir allar þær myndir sem Hitler hefur "leikið" í (oftast er um að ræða gamlar fréttamyndir). Það sem mér fannst merkilegast er samt örævisagan á síðunni. Þar er að finna lista yfir "trivial" (léttvæga) fróðleiksmola um manninn eins og "Ruler of Nazi Germany (The Third Reich) 1933-1945". og "Responsible for the deaths of over 11 million people during the second world war".

Léttvægt?

2003-01-06T17:08:00.000Z

Skriðinn úr híði

Þá eru Jólin búin, áramótin liðin og ískaldur, hrjúfur raunveruleikinn sestur að hjá manni á nýjan leik. Bróðir minn er, í þessum rituðum orðum, að stíga um borð í flugvélina sem flytja mun hann til Bandaríkjanna og mun hann líklega ekki líta íslenska foldu fyrr en að ári liðnu - kallgreyið. Það mun væntanlega taka mann smátíma að komast aftur íi almennilegt bloggstuð, en vorið ætti að verða spennandi fyrir bloggara - með allar þessar kosningar.

Allavegana, það er gott að vera kominn aftur. Líf á Netsins er ekkert líf.

2002-12-20T17:43:00.000Z

R-listinn og málefnin

Þrátt fyrir harðorða yfirlýsingu Framsóknarmanna og Vinstri-Grænna í gær, þar sem Ingibjörgu Sólrúnu eru settir þeir afarkostir að hætta annað hvort við framboð fyrir Samfylkinguna eða segja af sér sem borgarstjóri, halda þeir hinir sömu því fram að samstarf þríflokkanna geti haldið áfram enda sé það "byggt á málefnum".

Kjaftæði.

Persóna Ingibjargar er límið sem heldur þessu húmbúkki saman. Hún viðurkenndi það sjálf í kosningabaráttunni í vor að hún hefði persónulega meira fylgi en R-listinn, og má ætla að vera hennar á listanum hafi haft áhrif á fjölda kjósenda. A.m.k. má færa fyrir því rök að R-listinn hefði ekki unnið án Ingibjargar. Þess fyrir utan sé ég ekki hver ætti að taka við af henni, verði henni bolað úr borgarstjórastólnum - Alfreð, Árni Þór, Dagur? Ekki möguleiki.

Annað hvort hættir hún við framboð, bjargar R-listanum og fremur pólitískt sjálfsmorð (ekki líklegt) - Framsókn og VG lúffa og láta þetta yfir sig ganga (enn ólíklegra) eða henni verður sparkað, R-listinn springur og Framsóknarmenn mynda nýjan meirihluta með Sjálfstæðismönnum. Björn mun ekki hafa unnið borgina, en hann mun fá borgarstjórastólinn á silfurfati. Verst er að Alfreð myndi líklega verða forseti bæjarstjórnar.
---

Trent Lott er búinn að segja af sér sem leiðtogi Repúplikana vegna ósmekklegra ummæla sem hann lét frá sér fara á dögunum og óþarft er að endurtaka hér. Nú velta menn því fyrir sér hvort hann muni einnig segja af sér þingsætinu. Ég verð að telja það afar ólíklegt þar sem meirihluti Repúplikana í Öldungadeildinni er afar naumur og segi Lott af sér mun ríkisstjóri Mississippi, heimaríkis Lotts, þá tilnefna nýjan þingmann. Ríkisstjórinn, Ronnie Musgrove, er Demókrati og því má telja öruggt að hann tilnefndi samflokksmann sinn í stað Lotts. Þetta held ég að sé of stór biti fyrir Repúplikana að kyngja og því muni Trent Lott sitja áfram sem óbreyttur þingmaður.

2002-12-19T22:12:00.000Z

Sjallagleði

Það er gaman að vera Sjálfstæðismaður í Reykjavík í dag. Við sjallarnir göngum um skælbrosandi eins og lítil börn á aðfangadagskvöld eða skríkjandi af kæti eins og hópur púka á fjósbita. Ingibjörg ætlar í framboð - Framsóknarflokkurinn og Vinstri-Grænir hoppandi æfir - samstarf R-listans hangir á bláþræði - þess krafist að Ingibjörg hætti við framboð eða segi af sér borgarstjóraembætti - Ingibjörg neitar að gera neitt slíkt - framboðið sagt svik við R-listann - Samfylkingarmenn segja öllum að "tsjilla á þessu", anda með nefinu og taka við þarmaskurkinu.

Það er yndislegt að horfa á þetta gerast. Svona er maður lítil sál, en ég get ekki annað en kæst yfir óförum vinstrimanna í borginni!

Ég hélt ekki að ég kæmist í jólaskapið fyrr en klukkan sex á aðfangadag eins og venjulega, en Ingibjörg hefur svo sannarlega tekið til við að útdeila jólagleðinni - meðal okkar Sjálfstæðismanna að minnsta kosti.

Gleðileg Jól, Ingibjörg, og takk kærlega fyrir mig.

2002-12-19T00:41:00.000Z

Ingibjörg í framboð

Nú þegar ljóst er að Ingibjörg ætlar, þvert á skjön við fyrri yfirlýsingar, að fara í framboð til Alþingis er næsta víst að vefritin og pólitískir bloggarar vaði uppi á næstu dögum og skrifi málið í rot. Ég nenni því eiginlega ekki sjálfur. Mér finnst hins vegar hálf hallærislegt hvað Össur er ógurlega kátur þessa stundina. Hann gat ekki setið á sér og beðið þangað til Ingibjörg væri búin að segja R-listafólkinu frá þessu heldur óð með fréttina í fjölmiðla þar sem hann endurtók í sífellu að það hefði verið hann sem reddað hefði Ingibjörgu. Í hvert sinn sem maður er búinn að telja sjálfum sér trú um að Össur geti ekki orðið sorglegri galleónsfígúra, tekur hann upp á einhverju svona stönti. "Sjáið hvað ég er duglegur leiðtogi - ég reddaði manneskju á listann sem einhver tekur mark á, sem er meira en hægt er að segja um mig. Ég er samt foringinn, en mig er farið að renna í grun um að það sé bara grín hjá flokksbræðrum mínum!"

Sorglegur gutti.

2002-12-18T16:12:00.000Z

LOTR test

Eomer

If I were a character in The Lord of the Rings, I would be Eomer, Man of Rohan, heir to the throne, nephew of Theoden and brother of Eowyn.

In the movie, I am played by Karl Urban.
Who would you be?
Zovakware Lord of the Rings Test with Perseus Web Survey Software

---
Tiltölulega sáttur við útkomuna, þótt mér finnist prófið fullstutt. Éomer er með flottustu karakterum LOTR bókanna, ekki eins dramatískur og Aragorn en samt sem áður "a veritable ass-kicking machine".

2002-12-18T16:03:00.000Z

Pirringur

Ekki það að ég hafi neitt persónulegt á móti "Siggu Beib", en þessar bleiku snjóflögur gera mann brjálaðan horfi maður á þær til lengdar.

Sigga, taktu þær af - mín vegna!

2002-12-18T15:59:00.000Z

Bókajólin

Svansson sér eitthvað athugavert við menningarpistil Múrsins, þar sem sölu stórmarkaða á metsölubókum er hallmælt. Það er náttúrlega spurning í sjálfu sér hvort umræddar bækur fáist í stórmörkuðum vegna þess að þær eru metsölubækur eða hvort þær eru metsölubækur vegna þess að þær eru seldar í stórmörkuðum. Þessari spurningu nenni ég hins vegar ekki að reyna að svara.

Katrín Jakobsdóttir, höfundur Múrpistilsins, segist hafa af því áhyggjur að með þessu séu stórmarkaðirnir að hafa af "hefðbundnum" bóksölum töluverða verslun, enda hafa þeir oftast efni á að bjóða bækurnar á lægra verði en Mál og menning eða Eymundsson. Hún hefur væntanlega gaman af því, eins og ég, að rölta um bókaverslun, blaða í bókum og tímaritum og gleyma sér í literatúrnum og þekkingunni. Mér þætti það vissulega miður ef MM og Eymundsson hyrfu af sjónarsviðinu - ekki það að ég hafi af því nokkrar áhyggjur - en „Þetta er það sem fólkið vill", eins og Katrín kemst að orði - að vísu fyrir hönd okkar frjálshyggjuguttanna, og það er rétt. Fólk kaupir það sem það vill kaupa. Hafi fólk áhuga á klassískum bókmenntum er hægt að kaupa kiljur á nokkra hundraðkalla með verkum helstu risa vestrænna bókmennta (í hillu vinstra megin þegar komið er upp á efstu hæðina í Eymundsson). Vilji fólk hins vegar lesa um tilhugalíf Jóns Baldvins sé ég ekkert að því að það fái skrudduna á sem lægstu verði, hvort sem bókin er keypt í Bónus eða Bókabúð Lárusar Blöndals. Ekki geri ég mér grein fyrir því hvað Katrín vill að gert verði til að rétta hlut bókaverslana - varla leggur hún það til að gefin verði út bóksöluleyfi og bóksala verði bönnum öðrum en leyfishöfum?

Hvað varðar framboð á bókum, sérstaklega bókum sem ekki höfða til meirihlutans, þá hefur það aldrei verið meira. Ég hef frekar einmanalegt áhugamál, sem er stríðssaga, og það getur verið erfitt að finna góðar bækur um efnið í íslenskum bókaverslunum - þar verður maður að sætta sig við endalausar ævisögur nasískra forkólfa. Til allrar hamingju er ég ekki upp á þær kominn með mín bókakaup. Amazon, hvort sem er .com eða .co.uk, svalar lestrarþorsta mínum fullkomlega. Ég óska þess innilega að ég muni alltaf geta gengið inn í MM, flett í bókum og fengið mér kaffibolla, en himnarnir koma ekki til með að hrynja í mínum persónulega alheimi fari búðin á hausinn.

2002-12-18T11:22:00.000Z

Stórmerkilegur andskoti!

Ég var í gær að reyna að muna nafn á stórskemmtilegri barnabók sem ég las þegar ég var aðeins minni og magurri. Ég mundi ekkert hvað hún hét eða hver hafði ritað hana, en mundi að í henni átti söguhetjan að leysa þrautir - hve margar hafði ég ekki hugmynd um - svo sem að takast á við handsprengjueplatré og blöðrunefjafaraldur. Svo var ég að renna yfir bloggin og rakst þá á þessa getraun hjá honum Ármanni. Þar kemur fram að bókin er eftir Jan Terlouw og heitir Barist til sigurs. Ég get lítið hjálpað Ármanni með getraunina, en ég veit að bókin er til í héraðsbókasafninu í Mosfellsbæ, og þar er hægt að nálgast svörin. Mikið ógurlega eru þetta óspennandi verðlaun hjá honum samt.
---

Svansson skrifar ágætan póst um mögulegt þriðja framboð kommúnista í næstu kosningum til Stúdentaráðs. Ég get ekki sagt að það kæmi mér mikið á óvart, þótt maður hafi kannski ekki búist við því. Ég þekki fólk sem neitaði að kjósa Röskvu í kosningum vegna þess hversu hægrisinnuð hún var og ímynda ég mér að þrátt fyrir að umræddir einstaklingar séu útskrifaðir leynist töluvert margir skoðanabræður þeirra í undarlegustu deildum háskólans. Nú verður ekki horfið framhjá þeirri staðreynd að þrátt fyrir að Stúdentaráð vinni mikið og þarft starf í þágu stúdenta er stúdentapólitík einnig mikilvægt æfingasvæði fyrir atvinnustjórnmálamenn framtíðarinnar. Það er nú svo að Röskva, sem áður var kosningabandalag ungs Alþýðubandalagsfólks og ungra Alþýðuflokksmanna hefur, frá stofnun þess flokks, bundist Samfylkingunni æ traustari böndum. Heyrir það til undantekninga að Röskvufólk taki til starfa í öðrum flokkum eftir útskrift úr Háskólanum.

Það er skiljanlegt að þeir, sem undir öðrum kringumstæðum myndu vilja kjósa VG-framboð, vilji ekki greiða Vöku atkvæði sitt, eða veita henni brautargengi með því að grafa undan Röskvunni. Þeir hljóta samt sem áður að velta því fyrir sér hverju það skili fyrir þeirra flokk og hugsjónir að halda uppi útungunarstöð fyrir ungt samfylkingarfólk í stað þess að koma á fót eigin stjórnmálaafli í Háskólanum. Þetta er í raun bara spurning um hvort sé verra - að færa Vöku sigurinn á silfurfati eða halda uppi félagi ungra krata í Háskólanum.

Og ég verð nú einnig að láta það fylgja með að gráturinn verður heldur lítill á mínu heimili ef af verður og Vaka fær að "lorda það yfir" tveimur litlum vinstriframboðum, líkt og gerðist þegar Röskva tróð Vöku og Haka undir skítugum skónum.
---

Smávegis Trent Lott gleði í lokin.

2002-12-17T16:27:00.000Z

Úr dvala

Það er allt að gerast í herbúðum Bjarna (mér) núna. Ég er kominn á nagportalið undir heitinu "Bersi" og er því ekki lengur sá hokurkarl sem ég hef verið hingað til. Takk kærlega fyrir Bjarni (hinn).

Ég er búinn í prófum - kláraði á laugardag - sem útskýrir að einhverju leyti fjarveru mína, enda sit ég ekki lengur daginn út og daginn inn við skrifborðið. Núna er ég hins vegar í hlutverki heimilistíkurinnar og þríf, skrúbba og skúra alla fleti í húsinu. Það hefur minnkað til muna tækifæri til bloggs, en úr því ætti að rætast þegar fram líða stundir. Ég er í augnablikinu að þrífa bókahillurnar á neðri hæðinni, en það er ekki eins leiðinlegt og ætla mætti. Þarna fær obsessive-compulsive gaurinn í mér að dafna, enda er ég að skipuleggja bókasafnið eftir höfundum, efni og stærð bókanna. Geðveikt stuð.

2002-12-13T21:46:00.000Z

Yndislegur punktur

Doddeh kemur með frábæran punkt á blogginu í kvöld. Á plastpokum ÁTVR (Áfengis- og Tóbaksverslun Ríkisins) eru áfengisauglýsingar - en þær eiga jú að vera bannaðar! Svo er til fólk sem heldur því fram að þetta auglýsingabann sé ekki rugl!

2002-12-13T17:58:00.000Z

Enn um Thurmondgrein Frelsis.is

Ég er búinn að vera að velta fyrir mér öllu mistakahavaríinu í kringum Thurmondgrein Ágústs Flygenrings, sem birtist á Frelsi.is þann fimmta þessa mánaðar. Eru það tvö meginatriði sem helst hafa verið að trufla mig í próflestrinum.

Í fyrsta lagi finnst mér merkilegt hve illa hefur verið farið með upprunalegu greinina hans Ágústs, en flestar þær málsgreinar sem töpuðust voru inni í miðri grein. Maður ætti auðveldar með að skilja það ef mistökin lýstu sér í að sneitt hefði verið af upphafi eða endi greinarinnar. Ég á í raun afar bágt með að skilja hvernig þetta hefur átt sér stað, en vafalaust er um að ræða einhver tæknileg atriði sem ég ber ekki skynbragð á.

Í annan stað verð ég að gagnrýna hvernig að málum er staðið varðandi leiðréttingar á Frelsi.is. Deiglan hefur það t.d. fyrir reglu að pistlahöfundum er heimilt að leiðrétta stafsetningar- og málfarsvillur í pistlum sínum, en efnislega standa pistlarnir óbreyttir. Ef alvarlegar athugasemdir eru gerðar við efni pistla er sett inn athugasemd neðan við pistilinn, eins og sjá má á þessum pistli hér. Eins og málin standa núna er ómögulegt að sjá hvað það var sem mér fannst athugavert við pistil Ágústs og virðast athugasemdir mínar kjánalegar þegar pistillinn er skoðaður eins og hann er núna. Það er alvarlegt mál ef ekki er hægt að treysta því að pistlar vefrits haldist óbreyttir, enda fer heimildagildi þeirra þá fyrir lítið.

Mælist ég til þess við þá Frelsismenn að þeir taki að minnsta kosti fram á síðunni hvaða málsgreinum var bætt inn í og hverjum var breytt.

2002-12-13T15:29:00.000Z

Siðferði karlmanna

Rakst á þessa snilldarsíðu þar sem farið er yfir alls konar siðferðileg boð og bönn sem gilda í samskiptum karlmanna í millum. Verst hvað nafnið á léninu er væmið.

Einn góður punktur: "When stumbling upon other guys watching a sports event, you may always ask the score of the game in progress, but you may never ask who’s playing."

Annar: "If a man’s zipper is down, that’s his problem --- you didn’t see nothin’."

2002-12-13T15:06:00.000Z

Salvör og siðferðið

Langar að benda á mjög svo áhugaverðan pistil Salvarar um siðferði í Bloggheimum. Þar veltir hún upp þeirri spurningu hvort nauðsyn sé á setningu siðareglna fyrir bloggara. Ég er ekki á því að á blogginu eigi að gilda aðrar eða öðruvísi siðareglur en almennt í mannlegum samskiptum. Ég tel að þetta sé bara spurning um að sýna öðru fólki tilhlýðilega kurteisi og virðingu og haga sér eins og siðaður maður.

Maður á að minnsta kosti að reyna...

2002-12-13T14:50:00.000Z

Ágúst og Strom

Mistök ollu því að pistill Ágústs Flygenrings um hinn háaldraða Öldungadeildarþingmann Strom Thurmond birtist í töluvert styttri útgáfu en Ágúst hafði ætlað. Í pistlinum sem ég las, og skrifaði um, var nánast ekkert minnst á skuggalega fortíð Thurmonds - sérstaklega harða baráttu hans gegn mannréttindum svartra í Bandaríkjunum og afnámi aðskilnaðar kynþáttanna í suðurríkjunum.

Ágúst hefur nú útskýrt hvernig á þessu brottfalli stóð og hefur bætt inn í pistilinn hinum týndu málsgreinum. Þá bendir hann á ágæta Lexington-grein The Economist um skrögginn.

Svona mistök geta að sjálfsögðu alltaf átt sér stað, en ég held að þau hafi sjaldan verið jafn óheppileg og í þetta skiptið. Mælist ég til þess, Ágústs vegna, að hann tékki af öll sín skrif á netinu eftir að þau birtast til að athuga hvort ekki séu þau eins og þau eiga að vera.

2002-12-12T21:57:00.000Z

Er glæpur að vera af pólskum ættum?

Mér finnst merkilegt hvað þeir sem gagnrýna skrif Pawels Bartozseks á Deiglunni þurfa alltaf að benda á að hann sé nú ekki borinn og barnfæddur hér á Íslandi. Hr. Muzak kallar hann Deigluslavann, Sverrir Jakobsson sá ástæðu til að líkja honum við pólska einræðisherrann Jaruszelski og Pallurinn sá einnig ástæðu til að draga upp þjóðerni Pawels og hnýtti því við að Pawel væri ekki aðeins pólskur heldur Rússahatari í kaupbæti (það er væntanlega verra en að vera Pólverjahatari, eða hvað?). Hvað segir þetta manni um innræti þeirra er skrifa?
---

Svansson svarar ósmekklegum skrifum Betu Rokks á málefnalegan hátt, eins og hans er von og vísa.

2002-12-12T18:47:00.000Z

Styttist í Brósa

Það styttist óðum í heimkomu litla bróðurs og Bjarni er farinn að hlakka mikið til að sjá gaurinn aftur. Ég vona bara að hann setjist ekki að úti í Bandaríkjunum með einhverri flatbytnu og eignist með henni haug af litlum flatbotna könum. Annars skilst mér á honum að stærstur hluti nemenda U of M sé annaðhvort indverskur eða kínverskur þannig að sú hætta er líka fyrir hendi að hann flytjist til Austur-Asíu, og finnst mér það öllu verra. Það er nógu andskoti dýrt að fljúga til Amríku - hann myndi setja familíuna á hausinn flyttist hann til Kína eða Indlands.
---

Er búinn að ljúka við LOTR í milljónasta skipti og hefur snilldarverkið A History of the Art of War In the Middle Ages eftir Charles Oman tekið við sem náttborðsbókin hans Bjarna. Þetta tveggja binda verk er það ítarlegasta og vandaðasta sem ég hef rekist á um efnið og hefur það fullkomlega staðist tímans tönn, en það kom fyrst út árið 1924. Næst á dagskrá eru svo tvær bækur um sögu Austrómverska keisaradæmisins, en þær eiga að vera á leiðinni ásamt jólagjöfunum handa Ragnari.

2002-12-12T16:40:00.000Z

Buffið

Ekki er langt síðan ég sagði að skíturinn sem gengið hefur yfir Betu Rokk á kommentakerfinu hennar gengi fram af mér og að hún ætti þetta ekki skilið. Ég geri mér nú fulla grein fyrir því að ég hef haft rangt fyrir mér í því efni og dreg því ummælin til baka. Það er nauðsynlegt að geta viðurkennt mistök og beðist afsökunar á þeim.

Beta hefur kvartað sáran yfir því hvernig Sigurjón Kjartansson hefur komið fram við hana, kvartað yfir því hvað fólk er nú vont við hana á kommentakerfinu og kvabbað yfir hinu og þessu. Færslan hennar um Svansson sýnir það hins vegar að hún er litlu skárri en Ibsen og hinir njólarnir sem skrifa á kommentin hennar. Hún skrifar svona hluti að sjálfsögðu ekki vegna þess að henni sé eitthvað illa við þá sem fyrir skotunum verða - ég held að hún sé ófær um að setja sig í spor annarra eða að gera sér grein fyrir afleiðingum gjörða sinna. Hún gerir þetta eingöngu til að verða sér úti um enn meiri athygli og umtal, enda virðist hún byggja sjálfsmat sitt á því hve margir tali um hana í það og það skiptið. Ég held því að Svansson hafi heldur dregið úr þegar hann ýjaði að því að Betan væri athyglissækin.

Vegna þess að tilgangur aurmoksturs Betu er að fá athygli velti ég því lengi fyrir mér hvort ég ætti að skrifa um þetta. Ég gat hins vegar ekki setið á mér. Verst þykir mér þó að hafa þurft að linka á Buffbloggið - því með því er ég að spila upp í hendurnar á Betu.

Ég get þó tekið undir það með Bjarna að það er ekkert að því að elska sjálfan sig líkamlega. Ég stunda það töluvert sjálfur, enda ekki boðið upp á annað á mínu heimili.

2002-12-12T16:02:00.000Z

Trent Lott

Eins og flestir ættu að vita skaut Trent Lott, leiðtogi Repúplikana í bandarísku öldungadeildinni, sig í báðar lappirnar um daginn þegar hann sagði að vandamál bandarísku þjóðarinnar mætti rekja til þess að Strom Thurmond, sem vildi áframhaldandi aðskilnað kynþátta, var ekki kosinn forseti árið 1948. Hérna eru linkar á nokkra sniðuga teiknara sem tjá sig um málið á sinn sérstaka hátt.

- Ann Telnaes -
- Stuart Carlson -
- Bill DeOre -

Ég þarf væntanlega að taka linkana út eftir tvo-þrjá daga, þar sem síðurnar sem geyma myndirnar hafa ekki arkhívur. Trent Lott er hálfviti.